Mesrûr Barzanî pîrozbahî li Mihemed Bin Zayid kir

Hewlêr (K24) – Serokwezîrê Herêma Kurdistanê Mesrûr Barzanî bi boneya hilbijartina Mihemed Bin Zayid weke Serokê Îmaratê, peyameke pîrozbahiyê arasteyî wî kir û jê re hêviya serkeftinê xwest.

Serokwezîr Mesrûr Barzanî li ser hesabê xwe yê Twitterê pîrozbahî li Mihemed Bin Zayid kir û diyar kir: “Bi boneya hilbijartina Şêx Mihemed Bin Zayid weke Serokê Îmarata Erebî ya Yekbûyî, ez pîrozbahiyên herî germ li cenabê wî dikim.”

Mesrûr Barzanî herwiha destnîşan kir: “Ez çaverêya bihêzkirina pêwendiyên baş ên navbera Herêma Kurdistanê û Îmaratê dikim û hêviya serkeftinê di erkên wî de jê re dixwazim.”