تابلۆیێن وێ دەربرینێ ژ ئازارێن ژنا ئێزدی دكن
تۆرا لالش یا راگەهاندنێ
شێوەكارا كچا یا ئێزدی(خێرهات بێدرڤان) خەلكا كۆمەلگەها خانكێ یە و دكورتە دیدارەكێ دە بۆ رۆژناما دەنگێ لالش دیاركر:”هەتا نۆكە من چار پێشانگەهێن شێوەكاری ڤەكرینە و دبێژت:پتریا تابلۆیێن من دەربرینێ ژ مافێ ئافرەتێ و ئەو نەخۆشیێن ژنا ئێزدی دكارەساتا شنگالێ دە تووشبوویێ دكن”.
شێوەكارێ گۆت:”هەر ژ دەستپێكا خۆ من ناس كری من حەژ هۆنەرێ شێوەكاری كریە، پشتی چوویمە قوتابخانێ بەردەوام وێنە چێدكرن و چەندین جاران بەشداری د پێشانگەهێن گشتی یێن قوتابخانێ دە كریە و هاتیمە خەلاتكرن و من هەول دا ل پەیمانگەها هۆنەرێن جوان بێمە وەرگرتن لێ بۆ من چێ نەبوو،دیسان هەتا نۆكە من چار پێشانگەهێن شێوەكاری ڤەكرینە و پتریا تابلۆیێن من دەربرینێ ژ مافێ ئافرەتێ دكن و پێشانگەها چارێ دەربرین ژ ئازارو نەخۆشیێن ژنا ئێزدی دكارەساتا شنگالێ دە تووشبوویێ دكر”.
ئەو چەندە ژی خویاكر:”ژئالیێن هۆنەری دخوازم هاریكاریا بەهرەمەندا بكن،دا پشتەڤانیا وان بێتە كرن و دكارێ خۆدە پێش بكەڤن”.
تُتاح هذه الصورة أيضا في: کوردی