وارێ من
قاسم لوندی
ئاخفتنەك ژ زمانێ تە پاراستن ئۆلا من
ژبۆ ئازادیا تە كرن شۆرەش و سەرهلدان گەلێ من
ئازادیا تە بوو ئارمانجا من
خوەش نێرینەك ژ چاڤێن تە بوو هێزا من
گۆتنەك ژ گۆتنێن تە بو چەكا من
كەچ و خۆرتێن تە ئێزیدخان پاراستن هەی وارێ من
شنگال ت بوی گۆلەك ل باغچێ دلێ من
ت بوی ستێرەك ل ئەسمانێ ئێزیدخانا من
كەچ و خورتێن تە رزگار كرن دایك و خوشكێن من
ل پێ ئازادیا تە شەهید بوون خوشك و برایێن من
بەرخوەدانە تە رۆنیكر شەڤا من
هەتا كەنگێ ئەزێ دەربەدەر بم
و ژ وارێ خوە دوور بم
گەلو هەیە جارەكا دی ئەز وارێ خوە ببینم
ترسم ل غەریبیا بمرم
ئاخا باب و كالێن خوە جارەكا دی نە بینم
هنگێ ئەزێ دل شكەستی بمینم
حەش تە دكم و ڤێ ئاخفتنێ ژ دلێ خوە هلتینم
ب شەڤ و ڕۆژ هەلبەستا ل سەر تە د نڤیسینم
زمانێ خوە تنێ ژ بوو ئاواز و سترانێت ل سەر تە هلتینم
ل سەر خاترا تە خوە ژ هەمی خۆشیا دەرتینم
هیڤیا من خوینا خوە ل پێ رێیا شەهیدێن وەكا خێریێ شێخ خدری برژینم
یانژی وارێ خوە ئازاد ببینم
شنگال تو ل دلێ مندا ئێكەمینی چ جارا دەرناكەڤی
باوەریا من د ژیانێدا تێ هەر ب سەركەڤی
جانێ خوە گۆری تە دكم ژ دلێ خوە ئەشق و ڤیانێ دیاری تە دكم
وارێ من سەركەفتنێ هەر و هەر ل تە پیرۆز دكم
ئازادیێ ژ تەرا دخوازم
ئازادیێ ژ تەرا دخوازم
تُتاح هذه الصورة أيضا في: کوردی