هەلبەستڤانێن شنگالێ داخوازا پشتەڤانیێ دكن
تۆرا لالش یا راگەهاندنێ
هەلبەستڤانێ شنگالێ”داود قەیرانی” بۆ رۆژناما دەنگێ لالش خویاكر:”هەلبەستێن خۆ ل سەر قوناغێن كلاسیك و نووخاز و ب زمانێ كوردی دنڤیسم،دیسان بناڤێ هەلبەستڤانێن شنگالێ داخوازێ ژ جهێن شۆلەژێ دكەم پشتەڤانیا مە بكن”.
قەیرانی گۆت:”ئێكەمین هەلبەستا من نڤیسی ل سالا 1993ێ بناڤێ(نەباش هەڤال) ناڤەرۆكا وێ ل سەر(هەڤالینیا پاقژ)بوو،دیسان هەلبەستێن خۆ ل سەر قوناغێن كلاسیك و نووخاز و ب زمانێ كوردی دنڤیسم ول سەر( ئەڤینی ، دەیك ، غەریبی ، نیشتیمان ،زمان ، هەلبژارتن ،72فەرمانێن چوویی دگەل ڤێ فەرمانێ )نە و هەكە هاریكاریا من بێتە كرن دێ هەلبەستێن خۆ كەمە پەرتۆكەك،هەتا سالا1999ێ نێزیكی 100هەلبەستان هەتا نۆكە هەینە و نێزیكی 50یان هاتینە تۆماركرن و گۆتن و بەلاڤكرن و ل سەر هەموو بیاڤێن ژیانێ بوون،هندەك هەلبەستێن خۆ داینە هۆنەرمەندان ژی و ل سالا2013ێ بەرهەمەكێ هەلبەستان من تۆماركر و بەلاڤكر بناڤێ(نەباش هەڤال) و ل 2014ێ بناڤێ (بەرگەه چوو)،هەروەسا چار هەلبەستێن خۆ كرینە كلیپ”.
هەروەسا دیاركرژی پێنج هەلبەست ل سەر كارەساتا شنگالێ ل 3/8/2014ێ من تۆماركرن كو ناڤەرۆكا وان دەربرینێ ژ ئێش و ژانێن ئێزدیخانێ دكت و ئێك ژوان من و كچا خۆ (ویهاد) ب هەڤرا گۆت ول سەر كەنالێن راگەهاندنێ دئێتە بەخشكرن پشتی كارەساتێ ژی پتر ژ پێنچ هەلبەستا داینە هۆنەرمەندان،بناڤێ هەلبەستڤانێن شنگالێ داخوازییەكێ ئاراستەی جهێن شۆلەژێ دكەم هاریكاریا مادی و مەعنەوی پێشكێشی وان بكن،داكو بكارن زێدەتر خزمەتا خەلكێ خۆ بكن.
تُتاح هذه الصورة أيضا في: کوردی