تیپا گرعزێر كارەساتێن ب سەرێ ئێزدیان هاتین دكەتە فلم و شانۆگەری
تۆرا لالش یا راگەهاندنێ
تیپا گرعزێر یا هۆنەرێ شانۆیێ ب رێیا شانۆیێ ئێش و ئازارێن ئێزدیان دگەهینتە جهێن پەیوەندیدار ،هەروەسا كار بۆ پێشئێخستنا هۆنەرێ شنگالێ دكت و چیرۆك وكارەساتێن ب سەرێ ئێزدیان هاتین دكەتە فلم و شانۆگەری.
تیپا گرعزێر ل سەر ئاستێ ئێزدیان ئێكەم تیپە دڤی هۆنەری دا كار دكەت،كو هەتا نۆكە 19سالێن خەباتێ دەرباز كرینە،دڤان سالان دا كاریە نێزیكی 20 شانۆگەرییا و 18 فلمان بەرهەم بینت.
بەرپرسێ تیپا گرعزێر یا هۆنەرێ شانۆیێ(سالم حسێن)بۆ دەنگێ لالش دیاركر،ب رێیا شانۆیێ مە كاری ئێش و ئازارێن خەلكێ خۆ بگەهینین خەلكێ بیانی وكارێ مە گەلەك تێنە سەر كەنالێن تلەفزیۆنی و ب ملیۆنەهان خەلك تەماشە دكت،داوی فلمێ مە كورتە فلمەك بوو نێزیكی 500هەزار كەسا ل سەر فەیسبۆكی تەماشەكر،هەروەسا داوی شانۆگەرییا مە ئەنجامدایی شانۆگەرییا (مالا بێ سەر وبەر بوو) كو گەلەك ب دلێ جەماوەرێ تیپێ بوو،ئەم هەول ددەن بەردەوامبن وكارێن باشتر بكەین،لێ جی نینە و هەر ئەندامەكی تیپێ ل دەڤەرەكێ یە پشتی ئاوارەبوونێ و گۆت:((ئارمانجا مە ئەوە ئێش و ئازارێن خەلكێ خۆ بگەهیننە جهێن پەیوەندیدار و هۆنەرێ شنگالێ پێش بێخن و چیرۆك وكارەساتێن مللەتێ خۆ بكەین فلم و شانۆگەری)).
گۆتژی داخواز دكەین لقێ سەندیكایا هۆنەرمەندێن كوردستانێ ل شنگالێ بێتە ڤەكرن،داكو پتر بكارن كاران بۆ خەلكێ خۆ بكەین.
تُتاح هذه الصورة أيضا في: کوردی