هێلینا هیڤیا تووی
هاشم بۆزانی
هێلینا هیڤیا دێم شەمال و بەریا
ئەی نێرگزا لسەر زنار و چیا
تووی فەرهەنگ بۆ نڤیسینا داستانا
ئەڤینا مە یە راست و دروستە
هەستێن مە قەت نانڤن
ژبەر چیرۆكێن گەهشتنا مەبەستێ
و ئەوان هیڤی و وان داخوازیا
وەكی زارۆكەكا ساڤا
لبەر سنگێ ئەڤینا مە
دێ ڤەهینم هەلبەستا
ژ وان چۆت كەزیا
تووی هێلینا هیڤیا
بەس دەردێ دلێ من بزانە
كا من توو چەند دڤیا
من توو بخۆ هەلبژارتی
ژناڤ سۆرگول و زەریا
ل دیدارا چاڤێن تەدا
و پەیڤێن زێرین
رۆناهیا هیڤیا لبەر
پێلێن دەریا چاڤێن تە دچن
سۆر گول ژبەر بێهنا خالا گەردەنێ
ژ بێهن كەڤن و پەیڤاتە
ژ كانیا ئەڤینێ دزێتن
ژ خەیالا چۆمە دناڤ راستیێ دا
تووی هیڤیا بلندیا زنارا
عەشقا تە د دلێ من دا هشارە
وەرە دەرمان كە برینێن بریندارا
سەر خۆشێ مەیخانا دلێ تەمە
ئەڤینی خۆشترین بریارە
تووی هێلینا هیڤیا
تُتاح هذه الصورة أيضا في: کوردی