كەچا موختارا
قاسم لەوەندی
بابێ تە تە نادەتە فەقیر و هەژارا
من ژبەر تە گازی و هاوارە
ژبەر تە ب شەڤ و رۆژ دگریم لبەر تاق و دیوارا
رۆندكێن چاڤا بووینە وەكی ئاڤا چەم و ریبارا
دۆستێ توو ب خودێ كەی بێژە
ب چۆنا تە دگەل دەولەمەندا و شكاندنا دلێ هەژارا
بوهارا تە دێ خەملت دگەل مێرگ و گولزارا
چ بكەم ئەزی هەژارم
تە مالێ دنێ ژ ئەڤینیا من گرت
تە دلێ من ب ئێك جاری كوشت
تە دەرگەهێ نەخۆشیا ڤەكر
و دەرگەهێ خۆشیێ گرت
من نزانی ئەڤ دەمێ ئەڤینیێ ب پارا مایا
یا ژ من ڤە هێش وەكی ئەڤینیا مەمێ ئالایە
مخابن توو نەبووی وەكی زینا جزیری
و تە خەنجەرا خیانەتێ ل پشتا من دایە
نەخۆشی هاتن و دلێ من ژ خۆشیا یێ ڤالایە
كەچا موختارا
وەرە دلێ من بحەوینە
ب خودێ ژ غەیری تە من كەسەك نینە
من دای و باب ژبیركرینە
خوشك برا وندا كرینە
لسەر خاترا تە من دین و ئۆل ژی هێلاینە
لێ پا چ بكەم هەر توو دبێژی ئەڤی دینە
بەهوەر بكە یێت وەكی تە نە دبوهشتینە
هەكە هەزار چل و ڕۆژی گرتینە
دوعا سبەهـ و هێڤارێ كرینە
خێر و خێرات بەلاڤكرینە
ل توافا هلێل سواركرینە
ل هەموو جەژنا
عەبادە ژبۆ خودێ كرینە
هەر نە دبوهشتینە
ژبەر دگەل دەولەمەندا خۆشی بۆراندینە
و دلێ هەژارا شكاندینە
كەچا موختارا
دلێ تە ژ هێسنا یان ژ پۆلا
تە ئەز دین كریمە و بەردایمە چۆلا
ما توو ژ خودێ گونەه ناكی
برینا من دەرمان ناكی
نەبێژە ئەوی هەژارە
هەژاری و دل ژ ئێك د دوورن
هەژاری خیانەتێ نزانت
دەولەمەند بتنێ ل خۆشیێ دگەرت
دلێ هەژارا ژ یێ دەولەمەندا دلۆڤان ترە
لێ چ بكم توو فێم ناكی
بتنێ چاڤێ تە ل مالێ دنیایێ یە
باش بزانە كو ئەز و دەولەمەند مرن
جیێ مە هەردوویا گاڤەك ئاخە
ل وێ دنێ بفكرە
نە ل خۆشیا خۆ
خودێ مە هەردوویا دبینت
ما قەی توو نزانی شكاندنا دلێ هەژارا
ژ دربا خەرقا ب زەحمەت ترە
لێ بتنێ چاڤێ تە ل مالێ دنیایێ یە
رۆژەك دێ ئێت دێ پۆشمان بی
هنگی توو زانی ئەڤینی چیە
و مالداری چیە
لێ مخابن هەی كەچا موختارا
پۆشمانی فایدە ناكت
پۆشمانی فایدە ناكت
تُتاح هذه الصورة أيضا في: کوردی