بابانۆئێلێ فێلباز
كورتە چیرۆك
شیلان عبدالمناف
دەمێ ئەز زارۆك من هۆسا هزر دكر بابا نۆئێل بتنێ دكارت خەون و هیڤیێن زارۆكان بجهبینت،لەورا من داخواز ژ دەیكا خۆ دكر:كو ب شەڤێ چرایێ مالا مە بهێلتە هلكری،دا بابانۆئێل مالا مە ناس بكەتن ئەگەر هاتوو دكۆلانا مە را بۆری.
لێ پشتی تەمەنێ من گەهشتیە (25) سالیێ،من زانی بابا نۆئێل نە ئەو كەسایەتیێ خێرخواز و دلۆڤانە،بەلكو كەسەكیی خاپینوك و فێلبازە ،جیهان هەموو ب جلكێن وی یێن سۆر و ریهێن وی یێن سپی و چانتكا وی یا تژی دیاری هاتیە خاپاندن،هەر سال ل مەها دوازدە زارۆكێن هەژارا چاڤەرێ هاتنا وی دمینن ،لێ ئەوی جارەكێ ژی ل دەرگەهێ زارۆكەكی هەژار و بەلنگاز نە دایە ؟جارەكێ چادرەك پێشكێشی ئاوارەكی چادرا وی تووشی لافاوێ بووی و هەلوەشیایی نەكریە؟نە ژی سۆپەكا ئنتیكە كو بێ كارەب و گاز كار بكەتن دیاری ئێتیم و سێویەكی كریە ؟ هەتا نانەكی هشك نەكریە دیاری بۆ زگبرسەكی ڤی وەلاتی؟؟.
لێ بتنێ رێیا مالا دەولەمەندا دزانت،یێن خانیێن وان سێ و چار قات ،یێن بتر ژ تمبێلەكێ هەی،زارۆكێن وان یێن دەمێ ژدایك دبن كەڤچكێ زێری د دەڤێ واندا ،دیاری یا پێشكێشی وان دكەتن،دگەل زارۆكێن وان سەما و دیلانا كریسمەسێ ژی دكەتن ،تاكو دلنیا دبت دەولەمەند و زارۆكێن وان دلخۆش و شادن ژ نوو خاترێ ژ وان دخوازت..هەتا كو سالا داهاتی.
هەژار و زارۆكێن وان ژی دمینن دخەونا هاتنا بابانۆئێلێ فێلباز دا.
تُتاح هذه الصورة أيضا في: کوردی