گوهدار موراد:ب موزیكێ یا ناخێ خۆ دبێژم
تۆرا لالش یا راگەهاندنێ
موزیكژەنێ ئورگێ( گوهدار موراد)ئێك ژ موزیكژەنێن ناڤدارێن ئێزدیایە،د دیدارەكێ دا بۆ رۆژناما دەنگێ لالش دیاركر، هەر ژ زارۆكینیا خۆ حەزا هۆنەرێ هەبوو و هزرا موزیكێ ل نك من پەیدابوویە،ئەڤە دەمێ دەهـ سالانە ئامێرێ ئورگێ لێدەم و ب موزیكێ یا ناخێ خۆ دبێژم.
گوهداری گۆت:د سالێن بۆرێ دا دگەل تیپا شاریا یا هۆنەرێ كاركریە و دەمێ زانێ باش یێ فێری ئامیرێ ئورگێ بوویم هزرا داوەت و شەهیانا بۆ من چێبوو،ژبەر حەزا من بۆ موزیكێ نڤیسینگەهەك ژ ئامیرێن موزیكێ ڤەكریە،زێدەباری چەندین پارچە موزیك چێكرینە ،بەلێ چوو بەرهەمێن تۆماركری نینن و ئەگەر پشتەڤانی هەبت دێ وەك كلیپ چێكەم .
دەربارەی هۆنەری دبێژت:ب هزرا من هۆنەر زمان و بەهرەیەكا پیرۆزە و هەر كەسەك ب رەنگەكی دەربرینێ ژێ دكت،پەیڤا هۆنەر و بكارئینانا وی ژلایێ مرۆڤێ ڤە بۆ هندێ یە كو مرۆڤ چاوا ناخێ خۆ بەرچاڤ بكت،نەكو دەربرینە بۆ خواست و پێتڤیێن ژیانا مرۆڤی،هەر چەندە هندەك زانا دبینن كو هۆنەر پێتڤیەكا ژیانێ یە بۆ مرۆڤی وەكو خوارن و ئاڤێ.
دا زانین ژی پالدەرێن من یێن سەرەكی بۆ ژیانا هۆنەری هەڤالێن من بوون و بنەمالا من و تیپا شاریا پشتەڤانیا من كریە و هەتا نهۆ لسەر كارێ خۆ یێ بەردەوامم.
تُتاح هذه الصورة أيضا في: کوردی