عەبدال عەلی:دخوازین بتر پشتەڤانیا هۆنەرمەندێن شنگال بێتە كرن
تۆرا لالش:
سترانبێژێ گەنجێ خەلكێ شنگالێ عەبدال عەلی دیاركر،شنگال ب فلكلۆر و دەنگبێژێن نەمرد دئێتە ناسكرن و هۆنەرێ شنگال ژ هەموو ئالیان ڤە یێ بێ خوەیە، دخوازین بتر پشتەڤانی بۆ هۆنەرمەندێن شنگال بێتە كرن.
عەبدال عەلی بۆ رۆژناما دەنگێ لالش گۆت:هەر دەڤەرەك ب فلكلۆرێ خۆ دئێتە ناسكرن شنگال ژی وەسا ب فلكلۆر و دەنگبێژێن نەمرد دئێتە ناسكرن،بەریا هەر تشتەكی دڤێت هۆنەرمەندێن شنگال ل پێشیێ گرنگیێ ب فلكلۆر و هۆنەرێ خۆ بدەن،دخوازین بتر پشتەڤانیا مادی و مەعنەوی بۆ هۆنەرمەندان بێتە كرن.
ناڤهاتی ئاشكەراكر،سترانێن فلكلۆری یێن شنگالێ یێن داوەت و كۆچك و دیوانا ژی هەنە،بتریا هۆنەرمەند و سترانبێژێن نۆكە سترانێن سەردەمیانە و دەمی بتر ژ یێن فلكلۆری دبێژن،پەیاما وی بۆ سترانبێژێن گەنج ئەوە كو ئەو ژ سترانێن فلكلۆری دەست پێ بكن، بلا چوو جاران هێڤێنێ باب و باپیران ژبیر نەكن و بەرێ خۆ نەدەنە هۆنەرێ بیانی.
تُتاح هذه الصورة أيضا في: کوردی