هۆنەرمەندەك:هۆنەرێ كوردی زەنگینە ب رەسەناتیا خۆ پێتڤیە بێتە پاراستن
تۆرا لالش:
هۆنەرمەندێ ئێزدی فەیسەل شاقولی كو نهۆ ل وەلاتێ ئەمریكا دژیت د كورتە دیدارەكێ دا بۆ رۆژناما دەنگێ لالش دیاركر، هۆنەرێ كوردی ب گشتی ل جەم من یێ خۆشە و پری زەنگینە ب رەسەناتیا خۆ،پێتڤیە كەلتۆر و فلكلۆرێ خۆ ب پارێزین ژبەركو ناسناما مللەتانە.
فەیسەل شاقولی گۆت:هەر ژ زارۆكینیێ دا حەز ل ستران گۆتنێ كریە و مالبات و دۆست و هەڤالان پشتەڤانی ل من كریە و ل سالا(2017)ێ ئێكەمین كلیپ بەلاڤكر،هەروەسا ل هەفتیا بۆری كلیپا (ئەڤینا تە)هاتە بەلاڤكرن كو ژ پەیڤ و ئاوازێن وی بوون ب شێوازێ دووقۆلی دگەل هۆنەرمەند رادین هاتیە گۆتن،نهۆ ژی مژوولی دروستكرنا كلیپەكا دی مە بناڤێ (گولاڤ) كو ژ پەیڤ و ئاوازێن منە.
شاقولی خویاكر،هۆنەرێ كوردی ب گشتی ل جەم من خۆشە و پری زەنگینە،پێتڤیە كلتۆر و فلكلۆرێ خۆ ب پارێزین ژبەركو ناسناما مللەتانە و هەر مللەتەك رێزی ل هەبوونا فلكلۆر و كەلتۆرێ خۆ دگرت.
دا زانین ژی داخباری دەنگێ هۆنەرمەند (خدر فەقیر و میران عەلی)مە و ژ مۆزیكا پۆپ ژی حەزدكەم،هەروەسا داخواز دكەم پشتەڤانیا هۆنەرمەندان بێتەكرن داكو بتر بكارن خزمەتا گەلێ خۆ بكن.
تُتاح هذه الصورة أيضا في: کوردی