دەما كامیرێ هلدگرم هەست ب خۆشیێ دكەم
تۆرا لالش:
وێنەگرێ گەنج كاوە سلێمان خەلكێ گوندێ خەتارێ یە یا ب سەر ناوچەداریا ئەلقووش ڤە و دەرچۆیێ كۆلیژا فیزیا ل زانكۆیا دهۆكێ یە ،دكورتە دیدارەكێ دا بۆ رۆژناما دەنگێ لالش دیاركر،كارێ كامیرێ گەلەك یێ گرنگە چنكو هەر كارەكێ مرۆڤ بكت نەئێتە ونداكرن ئەو كار بۆ گەلەك سالان دمینت چ روودان یان نووچە یان داوەت یان ئەرشیف بت،ل دەما كامیرێ هلدگرم هەست ب خۆشیەكا مەزن دكەم.
كاوە سلێمان گۆت:گەلەك حەز ل سەر كارێ خۆ یێ وێنەگریێ هەبوویە و زۆر دگەل كەیف خۆشم، ل دەستپێكێ كارێ مونتاژێ دكر و پاشی كارێ كامیرێ كر و حەزا من یتر لێ هاتیە،هەر كارەكێ مرۆڤ بكت دێ ئاستەنگی هەبن و زەحمەتێ پێڤە بەت،من دەست نەداهێلان هەتا من ب دەستخۆڤەئینایی،هەروەسا هەردەما كامیرێ هلدگرم هەستەكێ خۆش بۆ من دروست دبت،چنكو كامیرە ب ژیانێ ڤە یە گرێدایی یە بۆ هەر تشتەكی مرۆڤ دكارت كاربینت و كامیرە كارەكێ مێژووی یە لەوما من هەلبژارت.
ناڤهاتی خویاكر،كارێ كامیرێ گەلەك یێ گرنگە چنكو هەر كارەكێ مرۆڤ بكت نەئێتە ونداكرن ئەو كار بۆ گەلەك سالان دمینت چ روودان یان نووچە یان داوەت یان ئەرشیف بت، دخوازم ئەڤ كارە بتر دناڤ خەلكێ مە دا بەلاڤ بت و خۆلێن كامیرێ بۆ گەنجان بێنە ڤەكرن داكو پێشبكەڤن دڤی بواری دا،دیسان ل بەرە پرۆژەكێ مەزن ل داهاتی ئەنجام بدەم.
تُتاح هذه الصورة أيضا في: کوردی