كۆلانێن خەناكری
ئلیاس نەعمۆ خەتاری
جوانترین كۆلانێن گوندێ مەبوون
كۆلانێن مە یێن د خەناكری بوون
بێهنا مسك و بەیبوونێ ددان
دەنكێن ئاڤێ لێ د دانایی بوون
ل سەرێ كۆلانێ دكانا ماموی بوو
جۆهنیێ دەهن قوتانێ بوو
رەش د ستارێ گەنم هێرانێ بوو
سفاندە و خانی یێن زنچكی بوون
ل گوندێ من كۆلان یێن خەناكری بوون
هاتن و چۆن و قەرەبالەغ بوو
لسەر دۆشكێن مالا مەحفەلێن پیران بوون
دەوسا باپیر و داپیران لێ هەبوو
نیشانێن زارۆكینیێ یێن شرین
غاردان و بازدان ب گری و كەنی
رۆژانە كارەكێ بەردەوام بوو
دەری و دێلیز و ئاخە بان بوون
ل كۆلانا بنی پەز دەربازدبوو
ل رەخا دی هندەكا رشێ ڤەتهونی
ئاڤ كێش ژ سەر بیرا دهاتن
تۆڤ پژین ژ سەر عەردا دهاتن
بلەز هندەك زارۆكان بازددا
دگۆتن دا بخۆ مزگینیێ ببەین
بەغدالیەك ژ بەغدایێ هات
هندەكێن دی دچۆنە چنینا تووا
ل سەر دارا مالا مامۆی تووا بكن
لدۆر جویا ئاڤێ وەردەك و قازبوون
بێهنا خەنایێ ژ كۆلانێ دفوریا
مال ب مالێ ڤەبوون رێزبوون
دل مرتاح و كەیف خۆشبوون
هەموو وەك خوشك و برابوون
دگەل ئێك و دوو هەڤكاربوون
كۆلانێت خەناكری ل گوندێ بەرێ
جوانترین كۆلانێن گوندێ مەبوون
تُتاح هذه الصورة أيضا في: کوردی