هۆزانێن وی ڤەشارتینە و نەهاتینە وێنەكرن
دەنگێ لالش،خێرهات خانكی
هۆزانڤانێ بەهرەمەند(زیاد بێدرڤان) خەلكێ كۆمەلگەها خانكێ یە و ل سالا2003ێ دەس
ت ب نڤیسینا هۆزانێ كریە و دكورتە دیدارەكێ دا بۆ رۆژناما دەنگێ لالش دیاركر،هەتا نۆكە هۆزانێن من دڤەشارتینە،دیسان پشتی ڤان كاودانێن ب سەرێ خەلكێ مەیێ شنگالێ هاتی دوو هۆزان ل سەر كارەساتێ و ئێك ل سەر رۆلێ پێشمەرگەی دشەرێ دژی تیرۆرستێن داعشێ دا چێكرینە،هەروەسا من هزر نەكریە هۆزانێن خۆ وێنە بكەم.
ل دۆر نڤیسینا هۆزانان زیاد بێدرڤان دیاركر،رۆژانە من هندەك دیمەنێن جوان ددیتن ئەوان دیمەنا سەرەنجا من رادكێشان،هەستێ من ئەو دیمەنە كرنە پەیڤێن جوان وئەو پەیڤە ژی دبوونە هۆزان،هۆزانێ گەلەك كارتێكرن ل ژیانا من كریە كو د دەمێ هەر نەخۆشیەكێ دا من پەیڤێن خۆ دكرنە هۆزان و بێن فرەهی ئد دا من،تەكەزكر گرنگیا هۆنەرێ هۆزانێ ئەوە مرۆڤ دكارت ب شێوەیەكێ جوان پەیاما خۆ بگەهینتە هەركەسەكی،هەروەسا تا نۆكە150 هۆزان من نڤیسینە و ب تنێ بەشداربوویمە دكۆرەكێ هۆزان خواندنێ داكریە و من خۆ دانەنایە وەك هۆزانڤانەك و هۆزان بۆ كەسایەتیا خۆ نڤیسینە و گەلەك پالدەر هەبوون بێمە دمەیدانا هۆزانێ دا،هەتا نۆكە هۆزانێن من دڤەشارتینە.
دبەردەوامیا ئاخڤتنا خۆدا ناڤبری گۆت:بۆ ماوەیەكێ من دەست ژنڤیسینا هۆزانێ بەردا،لێ پشتی ڤان كاودانێن ب سەرێ خەلكێ مەیێ شنگالێ هاتی،هەر د دەمی دا ئەو دیمەن دلێ مرۆڤی دشەوتاندن من كرنە هۆزان و دوو هۆزان ل سەر كارەساتێ چێكرینە،دیسان هێزێن پێشمەرگەی رۆلەكێ هەری مەزن دشەرێ دژی تیرۆرستێن داعشێ دا هەبوو،لەوما ب فەر دیت هۆزانەكێ ل سەر پێشمەرگەی ژی چێكەم.
هۆزانڤانێ زێدەتر گۆت:ئەگەر خۆ هاریكاری ژی هەبت من ئەو هزرە نەكریە كو هۆزانێن خۆ وێنە بكەم،ژبەركو من دڤێت هۆزانێن من بكەڤنە د دەستێ هۆزانڤانەكێ بسپۆردا كو رێژەیەكێ بۆ هۆزانێن من ب دانێت،دیسان حەژێكەرێ هەردوو هۆزانڤانان موئەیەد تەیب و سەدیق شرۆ مە.
تُتاح هذه الصورة أيضا في: کوردی
