پێتڤیە كارەساتا شنگالێ ب كلیپ و كورتە فلمان بۆ جیهانێ بێتە دیاركرن 
دەنگێ لالش،بەختیار قادر
دەرهێنەرێ كوردێ ئێزدی(مەروان سەبری حاجو)خەلكێ گوندێ خەتارێ یە و دكورتە دیدارەكێ دە بۆ دەنگێ لالش دیاركر،پێتڤیە كارەساتا شنگالێ و ئەو كارێن درندانە یێن ل دژی خەلكێ وێ هاتینە ئەنجامدان ب شێوێ كلیپ و كورتە فلمان بۆ خەلكی و هەموو جیهانێ بێنە دیاركرن.
هەروەسا حاجو گۆت:پشتی كارەساتا ب سەرێ خەلكێ شنگالێ هاتی و ئەو زوولم و زۆرداریا ل خەلكێ وێ هاتیە كرن،پێتڤیە ئەڤ كارێن درندانە یێن ل دژی خەلكێ وێ هاتینە ئەنجامدان ب شێوێ كلیپ و كورتە فلمان بۆ خەلكی بێنە دیاركرن،ئەڤە ژی پێتڤی پشتەڤانیەكە مادی و مەعنەوی یە بێتەكرن بۆ دەرهێنەرێ مە.
دەرهێنەری ئەو چەندە ژی دیاركر،ئێزدی ژ كەڤن دا تووشی فەرمانان بووینە و داوی فەرمان ل (3/8/2014)ێ بوو ل سەر دەستێ تیرۆرستێن داعشێ،هەروەسا دڤێت ئەڤ كارەساتە بۆ هەموو جیهانێ بێتە دیاركرن و ساخكرن.
زێدەتر گۆت:كارێ دەرهێنەریێ كارەك گرێدایی ب هەموو رەنگێن ژیانێ ڤەیە و دەرهێنەری ساخكرن و رۆنكرنا چیرۆك و هەلكەفتێن ژیانێ یە بۆ ژكەڤن و پاشەرۆژێ دا،ساخكرنا بیرهات و خەیالێ مرۆڤی یە،ئەڤ كارە وەك مرازەكێ بوو كو سەركەفتنێ تێدا بینم،ژبەركو ژبچووكانی دا دناڤ دا ژیایمە.
ل داویێ ژی دیاركر،رۆلێ دەرهێنەرێ ئێزدی تارادەیەكی نۆكە یێ باشە،بەلێ پێتڤی پتر پشتەڤانی و هاریكاریێ نە ژبال جهێن هۆنەری و پەیوەندیدارڤە.
تُتاح هذه الصورة أيضا في: کوردی
