پەیاما ئێزدیان دگەهینتە جیهانێ
دەنگێ لالش،بەختیار قادر
شێوەكارێ ئێزدی (موسافر قاسم) نۆكە ل وەلاتێ ئەلمانیا ئاكنجیە و دیاردكت،كو یا ب سەرێ شنگال هاتی پالدام چەندین تابلۆیا ل سەر كارەساتێ چێكەم و وان تابلۆیا ل پێشانگەها نمایشكەم ل عێراقێ و هندەكا ل ئەرمینیا و جۆرجیا ،ڤێ داویێ من ب 13 تابلۆیا پشكداری دمۆزەخانا ئەلباینی ل ئەلمانیا كر،ئارمانجا من ئەو بوو كو ئەز پەیامەكە مرۆڤایەتی یە راستەقینە ،ب رێیا ڤان تابلۆیا ب گەهینمە جیهانێ،دا بزانن نۆكە ئێزدی دچ رەوش دا دژین و كا كی ئەگەرێ رەڤاندن وكوشتنا وئاوارەبوونا هەزارەها كەسێن ئێزدی بوون،دووپاتكر كرژی كو تابلۆ و وێنە گرنگترین پەیامە ئازارێن مە بگەهیننە جیهانێ.
هەروەسا قاسم دیاركژی دپرۆژێ خۆ یێ نوو دە ژی دێ یێ بەردەوام بم دگەهاندنا نەخۆشی و ئازارێن ئێزدییا بۆ وەلاتێن پێسۆژێن ئێزدییا ل ئەلمانیا، دێ هندەك كارا ئامادەكەم ل جه ودەمەكی دەستنیشانكری كو ل دۆر رەوشا ئێزدییا بەری نۆكە،دیسان تابلۆیێن من گرنگیەك هەبوو بۆ گەهاندنا ناما ئێزدییا بۆ گەلێ ئەلمانی ، ئەز ل وێ باوەریێ مە كو هۆنەرمەندێ ئێزدی ب شیان كاردكت بەرامبەر دۆزا خۆ ،ئەز دبینم تابلۆ و وینێن فوتۆ گرنگترین پەیامە دەرد وئازارێن مە بگەهیننە وەلاتێن جیهانێ،لەورا ئەركە ل سەر هەموو هۆنەرمەندێن ئێزدییا ب راستگۆیی وب رەوشت بەرامبەر دۆزا خۆ كاربكەین،چنكو گەلەك ژێ ب رێیا مە كرین وفرۆتنێ دكن وب سیاسەتەكە بێ رامان ڤە دمژوولن ،گەلەك ژێ ب خۆ وئێزدییا دكەنن ، ژبلی یێ خۆ ب رێیا ئێزدییا بەرناس دكن وژلایێ مادی ومەعنوی و مەدیایێ ڤە خۆ ب هێز دئێخن.
ڤی شێوەكاری گۆتژی هۆنەرمەندی ژبلی فرچا و رەنگا و هزرا تشتەكی دی نینە و بڤێ رێ دكارت تشتەكی راستگۆ ومەزن د دیرۆكی دە تۆماركت،بەلێ چەندین هۆنەرمەند هەینە پێتڤی هاریكاریا مەدیایێ و مەعنوی نە،دا كارێ وان دیار بت
تُتاح هذه الصورة أيضا في: کوردی