مازن ئێسیانی:من دڤێت ئێزدیاتیێ ب هۆنەرێ خۆ دەولەمەند بكم
دەنگێ لالش،خێرهات بێدرڤان
دەرهێنەرێ كوردێ ئێزدی(مازن خودێدا میرزا)ل سالا1990ل گوندێ ئێسیا ژدایكبوویە،دكورتە دیدارەكێ دا بۆ رۆژناما دەنگێ لالش دبێژت من دڤێت ئێزدیاتیێ ب هۆنەرێ خۆ دەولەمەند بكم.
ل دۆر كارێ خۆ یێ دەرهێنەریێ( مازن خودێدا) دیاركر،ل سالا2009من دەست ب كارێ خۆ كریە وەكو مونتیرەك و وێنەگرەك پشتی من ڤان هەردوو كارا حەزا كارێ دەرهێنەریێ و نڤیسینا سیناریویا ل جەم من پەیدابوو،ئەوان چیروكێن مە یێن باب و كالا گەلەك دیمەنێ جوان ب دەمێ مە دبهیستن ودیمەنێ وان دكەتنە مێشكێ من دا و ئەز بەرب دەرهێنەریێ هاندام،ئارمانجا من یا سەرەكی ئەوا بوو كو خزمەتا ئۆلا ئێزدیان بكم،هەتا نۆكە ژی هیچ ئاستەنگەك نەكەفتیە د رێیا من دایا كو ئەز دەستا ژ كاێ خۆ بەردەم،لەوا هەتاهەتایێ دێ بەردەوام بم.
دبەردەوامیا ئاخفتنا خۆ دا گۆت:هەردەم هزركرنا من ژبۆ وێ یەكێ كا چاوا خۆ دكارێ خۆ دا پێش بێخم،ژبەركو نۆكە خودان كارم و ل كەنالێ وار كار دكم و وێنەگری و مونتاجیا بەرناما دكم،خۆشترین وەختێ من دڤێت تێدا كار بكم دەمێ رۆژ دچتە ئاڤا و ب شەڤ،چنكو دیمەنێ ئەز حەژێ دكم ل وان دەما دەردكەڤن و دكارێ مندا پترین بەرناێ حەژێ دكم بەرنامێ لاڤژە،ژبەركو گرێدایە ب مێژوویا ئێزدیان ڤە و ب وی دەمی دزانم یێ خزمەتەكێ پێشكێشی ئۆلا خۆ دكم.
خودێدا ئەو چەندە ژی ئاشكەراكر،پشتی ئەو كارەساتا ب سەرێ مللەتێ من هاتی من كار بۆ چەندین ستران و هۆزانا كریە،كو گرێدایی وان نەخۆشیێن ب سەرێ خەلكێ هاتبوون.
تُتاح هذه الصورة أيضا في: کوردی