دهۆك نكارت زێدەتر ئاوارەیان وەربگرت..بەغدا لێ بەرپرسە
تۆرا لالش یا راگەهاندنێ
ئەندامەكێ هاریكار ل لژنەیا كۆچ و كۆچبەران ل ئەنجوومەنێ پارێزگەها دهۆكێ رادگەهینت،ل دهۆكێ هیچ ئامادەكارییەك نەهاتیە كرن بۆ هاتنا ئاوارەیێن زۆرتر و نكارت ئاوارەیێن زێدەتر وەربگرت،چنكو هاتنا ئاوارەیێن زێدەتر ژ مووسلێ،بەغدا لێ بەرپرسە.
شیمال عادل میرۆ،ب مالپەرێ فەرمیێ پارتی دیموكراتی كوردستان راگەهاند:”پارێزگەها دهۆكێ شیان نینن كەمپا بۆ ئاوارەیێن زێدەتر دروست بكت و وەربگرت ئەوێن كو ژ مووسلێ بەرەف پارێزگەها دهۆكێ دكن، ئەگەر بێین ژی دڤیا حكوومەتا ناڤەندی بەرپرسیارەتیا هاتنا وان گرتبا ئستۆ و ئەو بێنە سەر هێلێ،چنكو هیچ ئامادەكاریەك مە نەكریە و هەتا نۆكە ئامادە نین،ژبەركو بارێ مەیێ ئابووری ب وی شێوەی نینە هەتا ئامادەكاریان بكەین و كەمپا دروست بكەین”.
وی ئەندامێ ئەنجوومەنێ پارێزگەها دهۆكێ گۆتژی ئەو كەمپێن هەین و دئێنە دروست كرن، هێشتا بۆ ئاوارەیێن دیتر یێن سنوورێ پارێزگەها دهۆكن و جی نینە و ل كرێدا بوون و دەركەفتینە،نۆكەداخوازا كەمپا دكن كو هاریكاری زێدەتر ل ناڤ كەمپان دا ب وان بێنە دان.
میرۆ دبێژت ژی ل سنوورێ پارێزگەها دهۆكێ زێدەتر ژ 800 هەزار ئاوارە و پەنابەر لێنە و ل 22 كەمپان دا هاتینە ئاكنجیكرن.
تُتاح هذه الصورة أيضا في: کوردی