دهۆك.. دەزگەهێ رەوانگە هاریكاریا 225 مالباتێن شەهیدان كر
تۆرا لالش یا راگەهاندنێ
رێڤەبەرێ پرۆژێ دەزگەهێ رەوانگە دیاركر،ل رۆژا 22/6 ل هۆلا رەوشەنبیری یا سەرۆكاتیا زانكۆیا دهۆك دەست ب هاریكاریكرنا مالباتێن شەهیدان هاتە كرن، 225 مالباتێن شەهیدان ژ هاریكاریا دەزگەهێ رەوانگە مفاداربوون.
داستان قادر، رێڤەبەرێ پرۆژێ دەزگەهێ رەوانگە بۆ (باسنیۆز) دیاركر:”هەیڤا سێ سالا 2015 دەزگەهێ رەوانگە دەست ب پرۆژێ هاریكاریا مالباتێن شەهیدان كریە ل سەرانسەری هەرێما كوردستانێ، هەتا نۆكە پرۆژە یێ بەردەوامە و ئارمانج ژ پرۆژەی ئەوە هاریكاریا مالباتێن شەهیدان بێتە كرن یێن شەرێ دژی تیرۆرستێن داعشێ دا گیانێ خۆ قوربانیی ئاخا پیرۆزا كوردستانێ كرین هاتینە شەهیدكرن”.
ناڤبری ئەو ژی دیاركر،مالباتێن شەهیدێن هەتا 30/3/2015 دێ مفاداربن ژ پرۆژێ هاریكاریێ ل قۆناغێن بێت دێ بەرنامە و پرۆژە هەبن بۆ مالباتێن شەهیدێن پشتی 30/3 هاتینە شەهیدكرن د شەرێ دژی تیرۆرستێن داعشێ دا و پرۆژە ب هەڤكاری دگەل وەزارەتا شەهید و ئەنفالكریان دئێتە ب رێڤەبرن.
زێدەتر گۆت:”هەتا نۆكە ل هەولێر و سلێمانیێ هاریكاری یا هاتیە بەلاڤكرن ل سەر مالباتێن شەهیدان ل 22/6 پارێزگەها دهۆكێ ژی هاریكاری ل سەر 225 مالباتێن شەهیدان هاتە بەلاڤكرن بۆ هەر مالباتەكێ گوژمێ هەزار دۆلارێن ئەمریكی هاتبوونە تەرخانكرن دێ بەردەوام بین ل سەر هاریكاریا مالباتێن شەهیدێن كوردستانێ.
تُتاح هذه الصورة أيضا في: کوردی