هێزێن سوریا دیموکرات چونە نافا باژێرێ منبج
ئێن ئارتى
رێکخراوا مافێن مرۆڤی یا سوریا راگەهاند، ئەڤرۆ ٢٣ێ حوزەیرانێ بۆ ئێکەمجار شەر دناڤبەرا هێزێن سوریا دموکرات و چەکدارێن داعشێدا ل نافا باژێرێ منبجێ رویدا.
رێکخراوا مافێن مرۆڤی یا سوریا ئاماژە ب وێ ئێکێ کریە کو شەرەکێ دژوار ل بەرەیێ رۆژئاڤایێ وی باژێری هەیە، ئەو ژی پشتی کو هێزێن سوریا دیموکرات شیان پێشرەویێ بکەن و دەڤەرا گۆرەپانا کیتابە و شەریعە بدویریا دوو کیلۆمەتران ژ ناڤەندا باژێرێ منبجێ کۆنترۆل بکەن.
ل دوماهیکا مەها ئەیارا بوری هێزێن سوریا دیموکرات ب هەفکاریا هژمارەکا هێزێن تایبەتێن ئەمریکا ژ سێ ئالیان ڤە هێرش کرنە سەر باژێرێ منبجێ کو ب دواین پێگەهێ داعشێ دهێتە دانان لسنورێ سوریا دگەل تورکیا.
چاڤدێر ژی راگەهاندن، ئەگەر ئۆپراسیۆنا منبجێ سەرکەفتی بیت ، ئەفە داعش ب تمامی ژ جیهانێ دێ ئێتە ڤەقەتیان و رێک دێ ئێتە خوشکرن بۆ هێرش کرنە سەر باژێرێ رقە کو داعش ب پایتەختێ خو دادنیت.
منبج ب دویریا ٤٠ کیلۆمەتران دکەفیتە سنورێ تورکیا، ل دەمێ دەسپێکرنا ئۆپراسیۆنا کونترۆلکرنا منبجێ، هێزێن سوریا دیموکرات پرانیا دەڤەرێن دەوروبەرێ وی باژێری کۆنترۆلکرنە، بەلێ ژبەر هەبونا وەلاتیێن مەدەنی دنافا باژێرێ دا ئێکسەر هێرش بۆ سەر سەنتەرێ باژێرێ نەهاتە ئەنجامدان و قوناغ ب قۆناغ دێ ئێتە ئەنجامدان.
تُتاح هذه الصورة أيضا في: کوردی