بارزانی ئه‌ڤ داخوازه ژ هه‌موو لایه‌نان هه‌یه
ئەڤرۆ نیوز:
مه‌سعود بارزانی سه‌رۆكێ هه‌رێما كوردستانێ د په‌یامه‌كێ دا راگه‌هاند: داخوازا هه‌موو هێز و لایه‌نان دكه‌م كومبوونه‌كا تایبه‌ت ب ریفراندومێ ئه‌نجام بده‌ن بۆ بریار دان ل سه‌ر پێنگاڤێن داهاتی.سەرۆکێ هەرێما کوردستانێ مەسعود بارزانی ئەڤرۆ رۆژا پێنجشەمبی پەیامەک بەلاڤکر و تێدا هاتیە،نابیت ئەو دەرفەتا نوکە هاتیە پێش ژ دەست بدەین،دۆخێ دەڤەرێ د قۆناغەكا نوو دا دەرباز دبیت،ب هەمی رەنگەکی گۆهرینێن مەزن دهێنە پێش،ئەڤرۆ پێگەهێ کوردستانێ ل ئاستێ نێڤدەولەتی ئاسوویەکێ روون هەیە.
هەروەسا گۆتیە ژی،بۆ مە دڤێ قۆناغێدا ژ مافێ چارەنڤیسازو و سەربەخۆیێ پیرۆزتر نینە،گەلێ کوردستانێ ل هەمبەر ئەزموون و قۆناغەکا هەستیار و چاڕەنڤیسازدایە،پێشمەرگەی ب پشتەڤانیا هەڤپەیمانان سەرکەفتنێن مەزن ل؛سەر؛تیرۆرستان بدەستڤەئیناینە،لێ مەترسی هەر یا مای،نابیت مافێ چارەنڤیساز بکەینە قوربانی ناکوکی و ململانێن ناڤخوەیی،هەروسا بارزانی ل سەر بابەتێ ریفراندۆمێ دێ دگەل لایەنێن سیاسی کومبیت و داخوازێ ژ هەمی هێز و لایەنێن سیاسی دکەت کو کودەنگ بن و داخوازا کومبوونێ ژلایەنێن سیاسی دکەت و دیارکریە بۆ پرسا ریفراندۆمێ پێدڤیە دگەل؛بەغدا ب رەنگەکێ برایانە گفتۆگۆیێ بکەین و بارزانی دیوانا سەرۆکاتیا هەرێمێ راسپاردیە بۆ بانگهێشتنا لایەنێن سیاسی.
تُتاح هذه الصورة أيضا في: کوردی