ئەردۆغان: سوری دشێن ببن وەلاتیێن تورکیا
ئێن ئارتى
سەرۆک کۆمارێ تورکیا راگەهاند، کو ب ملیۆنان وەلاتیێن سوری ل تورکیا ژیانا خو دەرباس دکەن و شانسێ وێ ئێکێ هەیە کو ببن ب وەلاتیێن وی وەلاتی.
رەجەب تەیبت ئەردۆغان سەرۆک کۆمارێ تورکیا د گۆتنەکێ دا کو دوهی ٢ێ تەمووزێ ل پارێزگەها کیلیس ل باشوورێ تورکیا کو زێدەتر ژ ١٢٠ هزار ئاوارەیێن سوری تێدانە پێشکیشکر، و گۆت، نها گەلەک ئاوارەیێن سوری کو د نها دا ل تورکیا دژین دخوازن ببن وەلاتیێن کۆمارا تورکیا.
ئەردۆغان گۆت ژی، ئەم شانسێ وەلاتیبوونێ پێشکێش دکەین ب ئالیکاریکرنا ڤان خوشک و برایێن مە ب رێیا وان ئۆفیسان ڤە کو وەزارەتێ ئامادە کرنە.
ئەف ئێک ژی د دەمەکێ دایە کو نێزیکی دوو ملیۆن و ٧٠٠ هزار ئاوارەیێن سوری د کەمپێن ئاوارەیان دانە ل تورکیا.
تێ گۆتن کو ئەڤە دەمێ زێدەتر ژ ٥ سالانە سوریا راستی شەرێ ناڤخو هاتییە و ژبلی وێ ئێکێ ژی لگۆری هندەک ژێدەران زێدەتر ژ ٤٧٠ هزار کەسان هاتنە کوشتن و زێدەتر ژ ١٠ ملیۆن کەسان ژی ئاوارە بوونە.
تُتاح هذه الصورة أيضا في: کوردی