سه‌رۆكایه‌تییا هه‌رێما كوردستانێ په‌قینا باژارێ حه‌سه‌كێ شه‌رمزار كر
وار
سه‌رۆكایه‌تییا هه‌رێما كوردستانێ، په‌قینا شڤێدی یا باژارێ حه‌سه‌كێ ل رۆژئاڤایێ كوردستانێ شه‌رمزاركر و ئاماده‌ییا هه‌موو سازیێن هه‌رێمێ، بۆ هه‌ر هاریكارییه‌كێ نیشاندا.
د راگه‌هاندنه‌كێ دا سه‌رۆكایه‌تییا هه‌رێما كوردستانێ، ته‌ڤلی سه‌ره‌خوشیێ ل مالباتێن شه‌هیدێن په‌قینا شڤێدی یا حه‌سه‌كێ و خواستنا سلامه‌تیێ بۆ برینداران، ئه‌و كریارا تیرۆری شه‌رمزاركرییه و ب كریاره‌كا ترسنوكانه یا تیرۆرستان ناڤكرییه.
سه‌رۆكایه‌تییا هه‌رێمێ راگه‌هاندییه كو سازیێن ساخله‌میێ و ده‌زگه‌هێن په‌یوه‌ندیدارێن هه‌رێمێ، ب هه‌موو شیان ڤه ئاماده‌نه پێشوازیێ ل بریندارێن په‌قینێ بكه‌ن و هه‌ر هاریكارییه‌كێ ئاراسته‌یی لێقه‌وماوێن وێ كریارا تیرۆری بكه‌ن.
تُتاح هذه الصورة أيضا في: کوردی