هەوهكا پاقژكرنا باژێرێ فهللوجه دهستپێكر 
رووداو ـ هەولێر
ئەنجوومەنی شارەوانی شارۆچكەی فەللـوجە بەهاوكاری بەڕێوەبەرایەتییە خزمەتگوزارییەكان و پۆلیس و تیمەكانی هەڵگرتنەوەی بۆمب، هەڵمەتێكی پاككردنەوەی شارۆچكەكەیان لە پاشماوە جەنگییەكان دەستپێكرد.
عەقید جەمال جومەیلی، بەڕێوەبەری پۆلیسی شارۆچكەی فەللـوجە رایگەیاند “بە مەبەستی رێگەخۆشكردن بۆ گەڕانەوەی خێزانە ئاوارەكان رۆژی هەینی 15-7-2016 ئەنجوومەنی شارەوانی فەللـوجە بە هاوكاری بەڕێوەبەرایەتییە خزمەتگوزارییەكان و هێزەكانی پۆلیس و خۆبەخشان، هەڵمەتێكی پاككردنەوەی شارۆچكەكەیان لە پاشماوە جەنگییەكان دەستپێكرد”.
جومەیلی گوتی “لەو هەڵمەتەدا تیمی ئەندازیاری هێزە ئەمنییەكانی تایبەت بە هەڵگرتنەوەی ئەو مین و بۆمبە چێندراوانەی پێشتر داعش لە شەقام و رێگەكان دایناون بەشدارە، ئامانج لەو هەڵمەتەش پاككردنەوەی شارۆچكەكەیە وەكو ئامادەسازی بۆ گەڕانەوەی خێزانە ئاوارەكان”.
رۆژی یەكشەممە 26-6-2016 هێزە ئەمنییەكانی عێراق شارۆچكەی فەللـوجەیان كۆنترۆڵكردەوە كە لە سەرەتای ساڵی 2014 ەوە لەلایەن داعشەوە كۆنترۆڵ کرابوو.
تُتاح هذه الصورة أيضا في: کوردی