هه‌ڤپه‌یمانان 23 تیرۆرستێن داعشێ كوشتن
وار
د هێرشه‌كا ئاسمانی دا ئه‌ڤرۆ سپێدێ فرۆكه‌یێن شه‌ڕكه‌رێن هه‌ڤپه‌یمانییا نێڤده‌وله‌تی، ناڤه‌ندێن داعشێ ل باشۆرێ مووسلێ بۆمبه‌باران كرن و 23 چه‌كدارێن وێ رێكخستنا تیرۆرستی كوشتن.
فه‌رمانده‌یا ئۆپه‌راسیۆنێن نه‌ینه‌وا د به‌یانه‌كێ دا راگه‌هاندییه؛ فڕۆكه‌یێن هه‌ڤپه‌یمانییا نێڤده‌وله‌تی ئه‌ڤرۆ سپێدێ چه‌ندین جهـ و ناڤه‌ندێن داعشێ ل باشۆرێ باژاڕێ مووسلێ كرینه ئارمانج و ب وێ ئه‌گه‌ر 6 تانكه‌رێن په‌ترۆلێ، ل گوندێ (ده‌كازل) سه‌ر ب گه‌یاره ڤه ژناڤبرن و 8 تیرۆرست كوشتن.
ل گوندێ سه‌فینه ژی، هه‌ڤپه‌یمانان 7 جهێن هاڤێتنا گوله هاوانان ژناڤبرن و 3 تیرۆرست ژی ل وی گوندی كوشتن.
ل ده‌مه‌كی ل ناوچه‌یا (ئه‌ل ئه‌ركه‌به) یا گه‌یاره ژی، كۆمبوونه‌كا داعشێ بوویه ئارمانجا فڕۆكه‌یان و 12 تیرۆرست هاتینه كوشتن.
تُتاح هذه الصورة أيضا في: کوردی