کلینتۆن: ترەمپ ئالۆزیان و تەڤلیهەڤیان دروست دکەت
ئێن ئارتى
هیلاری کلینتۆن بەربژرا دیموکراتان بۆ پۆستێ سەرۆکایەتیا ئەمریکا راگەهاند، گۆتنێن ترەمپ دەربارێ پشتەڤانیکرنا مافێ هەلگرتنا چەکی بوویە ئەگەرێ چێبوونا ئالۆزی و تەڤلیهەڤیان.
دوهی ١٠ێ ئابا ٢٠١٦ێ، کلینتۆن ل باژێرێ دێس مۆین ل ئایۆا راگەهاند، ترەمپ ب گۆتنا وێ ئێکێ کو پشتەڤانیا مافێ هەلگرتنا چەکی دشێن رێگریێ ژ سەرکەفتنا کلینتۆن بگرن، ئالۆز و تەڤلیهەڤی دروستکریە.
کلینتۆن گۆت ژی، وان پەیڤان دێ کارتێکرنەکا گەلەک مەزن هەبیت و ترەمپ ژ روویێ مەزاجی ڤە گۆنجایی نینە بۆ سەرۆکایەتی و فەرماندەیێ هێزێن چەکدار یێن ئەمریکا.
ترەمپ ل رۆژا ٩ێ ئابا ٢٠١٦ێ، ل کارۆلینا یا باکوور چەند گۆتن دەربارێ “سەراستکرنا دوویەم” پێشکێشکر کو بەحسێ هەلگرتنا چەکی دکەت ژلایێ وەلاتیان ڤە و راگەهاند، ئەو کەسێن پشتەڤانیا وێ سەراستکرنێ دکەن یان ژی خودانێن چەکی نە، دشێن هەلویستی وەرگرن لدژی کلینتۆنێ.
ترەمپ گۆت ژی، ئەگەر کلینتۆن ببیتە سەرۆکا ئەمریکا وی دەمێ دێشێت سەراستکرنا دوویەم ژناڤ ببەت و ببیتە جهێ مەترسیێ بۆ سەر مافێ هەلگرتنا چەکی د ئەمریکا دا و راگەهاند ژی، پشتەڤانیکرنا مافێ هەلگرتنا چەکی دشێن رێگریێ ژ سەرکەفتنا کلینتۆن بکەن.
تێ گۆتن کو ڤان گۆتنێن ترەمپ گەلەک رەخنە لپەی خو ئانین و وەکی ئاماژەیەکا مەترسیدار ددن زانین بۆ دروستکرنا تەڤلیهەڤی و توندوتیژیان ل ئەمریکا.
پشترا ترەمپ د تویتێکێ دا رەتکر کو مەبەستا وی دروستکرنا تەڤلیهەڤیان بیت و راگەهاند، وی خواستی یە کو وەسا ل پشتەڤانیکرنا مافێ هەلگرتنا چەکی بکەت هەیا کو هەڤدووبگرن و لدژی سەرکەفتنا کلینتۆن دەنگی ب ترەمپ بدەن.
تُتاح هذه الصورة أيضا في: کوردی