“پشتى رزگارکرنا مووسلێ دۆسه بۆ وان دێ ئێته ڤه‌كرن کو هاريكاريا داعشێ كرينه”
باسنيۆز:
ئەندامێکی ئەنجومەنی پارێزگای نەینەوا ئاماژە بەوە دەکات، دۆسیەیەکی تایبەتیان لەسەر ئەو کەسانە کردووەتەوە کە هاوکاریی داعشیان کردووە و دوای ڕزگارکردنەوەی مووسڵ، ڕێکاری یاسایی بەرامبەریان دەگیرێتە بەر.
ئەمڕۆ یەکشەممە 21\8\2016، غەزوان داودی، ئەندامی ئەنجومەنی پارێزگای نەینەوا، بە (باسنیوز)ی ڕاگەیاند: “وەک یەکەی ئیدارەی پارێزگای نەینەوا بڕیارمان داوە، لەگەڵ ئازادکرنەوەی شاری مووسڵ، دۆسیە بۆ ئەو کەسانە بکەینەوە کە هاوکاریی داعشیان کردووە، لە لای خۆمانەوە پشتگیری ئەو بڕیارە دەکەین کە هەر کەسێک هاوکاریی داعشی کردبێت، وەک داعش مامەڵەیان لەگەڵدا دەکرێت”. ڕوونیشی کردەوە: “بۆ ئەم مەبەستە، هەنگاوی جددیمان ناوە و زانیاریمان لەسەر ئەو کەسانە کۆکردووەتەوە کە هاوکاریی داعشیان کردووە”.
لە ماوەی ڕابردوو، مەسعود بارزانی، سەرۆکی هەرێمی کوردستان، لە میانی کۆبوونەوەی لەگەڵ کوردانی ئێزدی و لە چەند بۆنەیەکی دیکەشدا ئاماژەی بەوە کرد کە هەر کەسێک هاوکاریی داعشی کردبێت، دەبێت سزای خۆی وەربگرێت.
تُتاح هذه الصورة أيضا في: کوردی