منبج: شه‌ڕڤانان 8 گوندێن دی رزگاركرن و 27 تیرۆرست كوشتن
وار
شه‌ڕڤانێن جڤاتا سه‌ربازی، 8 گوندێن دی یێن منبجێ رزگاركرن، پشتی د ده‌ما 24 ده‌مژمێرێن بۆری دا، شه‌ڕ و په‌ڤچوونێن دژوار ل باشۆرێ وی باژاڕی كرین.
ل گۆری ئاژانسا نووچه‌یێن هاوار، شه‌ڕڤانێن جڤاتا سه‌ربازی به‌رده‌وامن لسه‌ر پاقژكرنا گونده‌وارێ منبجێ ژ تیرۆرستێن داعشێ و ژ دوهی شیایینه، 8 گوندێن دی ل باشۆرێ وی باژاڕی رزگار بكه‌ن و زیانێن گیانی یێن مه‌زن بگه‌هیننه تیرۆرستان.
د ئۆپه‌راسیۆنا وان هه‌شت گوندان دا، شه‌ڕڤانان 27 تیرۆرستێن داعشێ كوشتینه و ده‌ست ب سه‌ر چه‌ندین چه‌ك وته‌قه‌مه‌نیێن وان دا ژی گرتینه.
رزگاركرنا گونده‌وارێ منبجێ د چارچووڤێ قۆناغا دوێ یا ئۆپه‌راسیۆنا شه‌هید ئه‌بۆ له‌یلا دا دهێن، پشتی ل هه‌فتییا بۆری سه‌نته‌رێ باژاڕی رزگار كرین.
تُتاح هذه الصورة أيضا في: کوردی