فراكسیۆنا پارتی دهنگدانا ل دژی هشیار زێباری ب سیاسی دههژمێریت
وار
پهڕلهمانتارهكێ پارتی ل جڤاتا نوونهرێن ئیراقێ رادگههینیت؛ لێپرسین و دهنگدانا جڤاتێ لسهر بهرسڤێن هشیار زێباری مهرهمێن سیاسی ل پشت ههبوون.
موحسن سهعدوون د داخۆیانییهكێ دا راگههاند؛ رهتكرنا جڤاتا نوونهران بۆ بهرسڤێن هشیار زێباری، وهزیرێ داراییا ئیراقێ، پرسهكا نهیا قانوونی یه و گۆت: دهنگدانا ل دژی بهرسڤێن وی ژی مهرهمێن سیاسی ل پشت ههنه.
جڤاتا نوونهران دوهی لێپرسین دگهل هشیار زێباری كر، ب كۆیا دهنگان ژی دهنگ ل دژی بهرسڤێن وی دان، فراكسیۆنا پارتی ژی بایكۆتا روونشتنێ كر و چاڤهڕێ دهێته كرن، د روونشتنا بهێت یا جڤاتێ دا، كار بۆ وهرگرتنا باوهریێ ژ زێباری بهێته كرن.
ئێكهتییا نیشیتمانی ژ فراكسیۆنا خوه ل بهغدا خواستییه دهنگی بۆ وهرگرتنا باوهریێ ژ وهزیرێ دارایی نهدهن، ل دهمهكی گۆرانێ لێپرسین ژ ههر بهرپرسهكی ب ئاسایی دایه زانین، یهكگرتوو یا ئیسلامی ژی ئاماژه كرییه ئهوان ئهو ئازادی ههیه بڕیارێ بدهن، كانێ دێ دهنگی دهن یان نه.
تُتاح هذه الصورة أيضا في: کوردی