پارێزگارێ ئەنبار ژبەر مەلەفێ گەندەلیێ ژ پۆستێ وی هات دورخستن
ئێن ئارتى
ئەڤرۆ ٢٩ێ ئابا ٢٠١٦ێ، ئەنجومەنێ پارێزگەها ئەنبار ب کۆما دەنگان بریار دا سوهەیب ئەلراوی پارێزگارێ ئەنبار ژ پۆستێ وی بێ دورخستن.
ئەرکان خەلەف ئەندامێ ئەنجومەنێ پارێزگەها ئەنبار بۆ مالپەرێ ئەلسۆمەرییە راگەهاند، ئەنجومەنێ پارێزگەها ئەنبار کۆمبوونەکا بلەز ل قەزایا خالدیە یا سەر ب پارێزگەها ئەنبار ئەنجامدا و ب کۆما دەنگان بریار هات داین سوهەیب ئەلراوی ژبەر مەلەفێ گەندەلیێ ژ پارە و ئیدارەیا حکومەتێ دا ژ پۆستێ وی بێ دورخستن.
ناڤبری گۆت ژی، ژ کۆما ٣٠ ئەندامێن ئەنجومەنێ پارێزگەها ئەنبار ١٩ ئەندامێن ئەنجومەنێ پارێزگەهێ دەنگ ب وێ ئێکێ دانە کو ئەلراوی ژ پۆستێ وی بێ دورخستن.
بەری نها ژی ئەنجومەنێ پارێزگەها ئەنبار هەولا لادانا ئەلقاوی دەست پێکربوو، بەلێ ل سەر داخوازا عەبادی و ژبەر دەستپێکرنا پرۆسەیا ئازادکرنا باژێرێ فەلوجە ل سەر کارێ وی نەهاتییە لادان.
تُتاح هذه الصورة أيضا في: کوردی