بایدنی داخوازا ھەماھەنگیێ د گەل بەغدا ژ بارزانی کر
وار
کۆچکا سپی یا ئەمریکا راگەھاند؛ جێگرێ سەرۆکێ ئەمریکا داخوازا ھەماھەنگیێ د ناڤبەرا بەغدا و ھەولێرێ دا، ژ بارزانی کر.
کۆچکا سپی یا ئەمریکا د بەیاننامەیەکێ دا راگەھاند؛ جۆ بایدن، جێگرێ سەرۆکێ ئەمریکا، د گەل مەسعوود بارزانی، سەرۆکێ ھەرێما کوردستانێ ب تەلەفۆنێ ئاخفتیە.
جۆ بایدن، جێگرێ سەرۆکێ ئەمریکا، سوپاسیا بارزانی کر، بۆ رۆلێ سەرکردایەتییا وی و پێگیریا کوردان د شەرێ دژی داعشێ دا.
کۆچکا سپی ئاماژە دا؛ بایدنی پشتەڤانییا ئەمریکا بۆ ئیراقەکا ئێکگرتی و فیدرال و دیمۆکراسی دوپات کر، داخواز ژی کر؛ ھەماھەنگی د ناڤبەرا ھەولێرێ و بەغدا دا بھێتە کرن.
د بەیانا کۆچکا سپی دا، یا ل دۆر پەیوەندییا تەلەفۆنی د ناڤبەرا بارزانی و بایدنی دا، ئاماژە دایە، ھەردو سەرکردان دوپاتی ل گرنگییا بەردەوامیا پێشڤەچوونێن شەرێ دژی داعشێ، ب ھێزکرنا ئابوورێ ئیراقێ، ھاریکاریێن مرۆڤاتی و بۆ ئاوارەیێن ئیراقێ و ھەماھەنگیا کۆنترۆلکرنا مووسلێ کر.
تُتاح هذه الصورة أيضا في: کوردی