سەرۆکێ هەرێما کوردستانێ پێشوازى ل سەرۆک کۆمارێ عێراقا فیدرال کر
هەولێر-KDP.info-
سەرۆکی هەرێمی کوردستان پێشوازی لە سەرۆککۆماری عێراقی فیدراڵ کرد و لە دیدارەکەدا جەخت لەسەر پابەندبوون بە ڕێگاچارەی دیالۆگ و گفتوگۆی بنیاتنەرانە لە چارەسەركردنی كێشەكانی نێوان هەرێمی كوردستان و حکوومەتی فیدراڵ كرایەوە.
ئەمڕۆ شەممە ١٧ـی٩ـی٢٠١٦، لە سەلاحەدین، مەسعوود بارزانی سەرۆکی هەرێمی کوردستان، پێشوازیی لە د. فوئاد مەعسوم سەرۆک کۆماری عێراقی فیدراڵ کرد.
لە دیدارەکەدا پڕۆسەی سیاسیی عێراق و دوا پێشهاتە سیاسییەكانی عێراق و ناوچەكە تاوتوێ كراو باسیش لە بارودۆخی مەیدانیی بەرەكانی ڕووبەڕووبوونەوەی تیرۆریستان و ئامادەکارییەکانی پرۆسەی ئازادکردنی موسڵ کرا.
لە تەوەرێكی تری دیدارەکەدا جەخت لەسەر پابەندبوون بە ڕێگاچارەی دیالۆگ و گفتوگۆی بنیاتنەرانە لە چارەسەركردنی كێشەكانی نێوان هەرێمی كوردستان و حکوومەتی فیدراڵ كرایەوە.
باسکردنی گۆڕانکارییەکانی ناوچەکە بەشێوەیەکی گشتی، تەوەرێکی دیکەی دیدارەکە بوو.
تُتاح هذه الصورة أيضا في: کوردی