نوونەرێ شەبەک:مه دڤێت تەنها پێشمەرگە ل ئازادکرنا دەشتا نەینەوا دا بەشدار بت
بەغدا -KDP.info-
نوێنەری کوردانی شەبەک لە ئەنجومەنی نوێنەرانی عێراق دەڵێ، دەمانەوێت تەنها ھێزی پێشمەرگە بەشداری لە ئازادکردنی دەشتی نەینەوا بکات و ھەر بڕیارێکیش سەرکردایەتی کورد و سەرۆک بارزانی بیدات ئێمە پێیەوە پابەند دەبین.
نوێنەری کوردانی شەبەک لە ئەنجومەنی نوێنەرانی عێراق (مەلا سالم شەبەک) بە ماڵپەڕی فەرمیی پارتیی دیموکراتی کوردستانی ڕاگەیاند: “ئێمە لەگەڵ ئەوەداین کە لە ڕزگارکردنی دەشتی نەینەوا تەنها ھێزی پێشمەرگە بەشدار بێت و ھیچ ھێزێکی دیکە بەشدار نەکات بە تایبەت حەشدیشەعبی.”
(مەلا سالم شەبەک) گوتیشی، بۆ بەشداریکردنی ھەر ھێزێکی دیکەش ڕای ئێمە لەگەڵ سەرکردایەتیی کورد و، سەرۆک بارزانییە، بۆیە ئەوان ھەر بڕیارێک بدەن ئێمە پێیەوە پابەند دەبین.
باسی لەوەش کرد، ئێمە لە ھەوڵی بەردەوامداین بۆ ئەوەی دەشتی نەینەوا ببێتە پارێزگا، بەو مەرجەی سەر بە ھەرێمی کوردستان بێت.
تُتاح هذه الصورة أيضا في: کوردی