رێژا فرۆتنا پهترۆل و داهاتێ وێ بۆ ههیڤا بۆری هاته ئاشكهرا كرن
ئهڤرۆ نیوز:
وهزارهتا سامانێن سرۆشتی یا حوكمهتا ههرێما كوردستانێ راگههاند د ههیڤا بۆری دا، 16 ملیۆن و 944 هزار و 237 بهرمیلێن پهترۆلێ هاتینه فرۆتن و داهاتێ وێ ژی 611 ملیۆن و 765 هزار و 928 دۆلار بووینه.
ب گۆرهی راگههاندنهكا وهزارهتا سامانێن سرۆشتی، د ههیڤا بۆری دا ههرێمێ رۆژانه 564 هزار و 808 بهرمیلێن پهترۆلێ رهوانهی ژ دهرڤه كرینه و بهایێ ناڤهندی یێ فرۆتنا ههر بهرمیلهكا پهترۆلێ 36 دۆلار و 10 سهنت بووینه.
ژ داهاتێ وێ ههیڤێ یێ فرۆتنا پهترۆلێ حوكمهتا ههرێما كوردستانێ نێزیكی 76 میلۆن دۆلار داینه كۆمپانیێن پهترۆلێ یێ ل ههرێمێ كار دكهن و زێدهتر ژ 188 ملیۆن دایه ئهوان كۆمپانیێن پێشتر قهر ژێ وهرگرتین، 20 ملیۆن دۆلار ژی داینه كهركووك وهكو پترۆدۆلار، ل دووماهیێ نێزیكی 328 ملیۆن دۆلاران بۆ حوكمهتێ ماینه.
ههر چهنده وهكو ههڤبهركی ل گهل ههیڤا بۆری ههرێما كوردستانێ پتر پهترۆل فرۆتیه، بهلێ ژ بهر دانا قهرێن بهری نوكه كێمتر داهات بۆ مایه.
ههیڤا تهباخێ حوكمهتا ههرێمێ 12 ملیۆن و 736 هزار و 566 بهرمیلێن پهترۆلێ رهوانهی ژ دهرڤه كربوون و داهاتێ وێ 413 ملیۆن و 994 دۆلار بوویه و د وێ ههیڤێ دا، پشتی دانا قهرێن كۆمپانیان و پارێ پترۆدۆلارێ كهركووك، ههرێمێ نێزیكی 350 ملیۆن دۆلاران بۆ مابوون.
تُتاح هذه الصورة أيضا في: کوردی