پێشمهرگه و حهشهد شهعبی ناچنه ناڤ سهنتهرێ باژێرێ مووسل
ئهڤرۆ نیوز:
ئهمیندارێ گشتیێ ئێكگرتوو ئیسلامی كوردستان راگههاند كو بهرنامه هاتیه دانان كو ب كێمترین زیان و زووترین دهم پرسیا رزگاركرنا باژێرێ مووسل بهێته ئهنجام دان.
سهلاحهدین بهائهدین ئهمیندارێ گشتیێ ئێكگرتوو ئیسلامی كوردستان د ههڤپهیڤینهكێ دا بۆ ئاژانسا ئهنادۆلا توركیا بهحس ل شهرێ رزگاركرنا مووسل دكهت و رادگههینیت كو ههبوونا پشكداریكرنا توركیا د شهرێ مووسل دا بابهتهكێ سیاسی یه و ژ لایێ قانوونی ژی ڤه پێدڤی رهزامهندیا حوكمهتا عیراقێ یه، بهلێ د روویێ ژیواری دا توركیا پشكداریا خوه وهكو پێدڤی دزانیت.
ئهمیندارێ گشتیێ ئێكگرتوو ئیسلامی كوردستان نهڤهشارت ژی كو بڕیار هاتیه دان كو پێشمهرگه و حهشهد شهعبی نهچنه ناڤ سهنتهرێ باژێرێ مووسل و ل ژ دهرڤهی باژێری بمینن و حهشهد وهتهنی و لهشكرێ عیراقێ ژی بچنه د ناڤ باژێری دا.
ههر دیسا بهحس ل وێ چهندێ ژی دكهت كو بهرنامهك هاتیه دانان كو گهلهك ب دژواری باژێر بهێته بۆردۆمانكرن ب مهرهما وێ چهندێ كو چو چهكدارێن داعش نهمیننه د ناڤ باژێری دا و پێدڤیه رێیهك ژی ل ههمبهر بهێته ڤهكرن كو ههكه هات و وان ڤیا ب رهڤنه سوریا.
تُتاح هذه الصورة أيضا في: کوردی