پرۆسا ب ئەلیكترۆنیكرنا مووچەى ده‌ست پێ دكت
رووداو- هەولێر
پرۆسەی بەئەلیكترۆنیكردنی مووچەی فەرمانبەران و مووچەخۆران دەستپێدەكات، بڕیاریشە هەریەك لە نێچیرڤان بارزانی و قوباد تاڵەبانی ناوی خۆیان تۆمار بكەن و یەكەمجار كارتەكە بۆ ئەوان دروست بكرێت.
بڕیارە رۆژی دووشەممە 10-10-2016، پرۆسەی بایۆمەتری مووچەخۆرانی هەرێمی كوردستان دەستپێبكات و، هەریەك لە نێچیرڤان بارزانی، سەرۆكوەزیرانی هەرێمی كوردستان و قوباد تاڵەبانی، جێگری سەرۆكوەزیران كارتی ئەلیكترۆنییان بۆ دروست بكرێت.
محەممەد هاودیانی، وەزیری كار و كاروباری كۆمەڵایەتی هەرێمی كوردستان بە تۆڕی میدیایی رووداوی راگەیاند “بڕیارە سیستەمی مووچەدان بكرێتە كارتی ئەلیكترۆنی، سەرەتاش لە ئەنجوومەنی وەزیرانەوە دەستپێدەكرێت، هەروەها رۆژی 19-10-2016 لە تەواوی هەرێمی كوردستان پرۆسەكە دەستپێدەكات، دوو مووچە و بندیوارەكان ئاشكرا دەكرێن و تەنیا لە یەك شوێن فەرمانبەران دەتوانن مووچە وەربگرن”.
بەپێی پڕۆژەكە 76 بنكەی تۆمار و 271 پەنجەرە بۆ دروستكردنی كارتی ئەلیكترۆنی مووچەخۆران دەكرێنەوە. هەر دامەزراوەیەكی حكومی 4 هەزار مووچەخۆری هەبێت بنكەی تۆماری لێ دەكرێتەوە، پرۆسەكەش بۆ ماوەی 3 مانگ بەردەوام دەبێت.
پێشتر سەفین دزەیی، گوتەبێژی حكومەتی هەرێمی كوردستان ئاشكرای كردبوو، لە هەرێمی كوردستان ملیۆنێك و 400 هەزار مووچەخۆر هەن و تەنیا 740 هەزار كەسیشیان فەرمانبەرن و لە كاردان.
تُتاح هذه الصورة أيضا في: کوردی