پێشمهرگه ل بهندا ئامادهكاریێن هێزێن ئیراقێ یه
waar – دهوك :
سهرۆكێ لیژنهیا راگههاندنا سهبازى ل وهزارهتا پێشمهرگه بۆ وار راگههاند: هێزێن پێشمهرگهى بۆ ماوهیێ چهند مههانه د ئامادهباشیێ دانه بۆ دهستپێكرنا ئۆپهراسیۆنا كونترۆلكرنا باژێڕێ مووسلێ.
سهرۆكێ لیژنهیا راگههاندنا سهبازى و بهرپرسێ راگههاندن و هوشیارییا نیشتیمانى ل وهزارهتا پێشمهرگه عهمید ههلگورد حكمهت بۆ وار گۆت: پێشمهرگه ژ ههموو روویهكیڤه بهرههڤن و ل بهندا هێزێن ئێمناهییا ئیراقێنه ههتا ئامادهكاریێن وان ب دووماهى دهێن و دگههنه دووماهیك خالا بۆ هاتییه دهستنیشانكرن.
گۆت ژى: ئهو نهشێت بێژیت دێ ئهڤرۆ یان سۆبههى ئۆپهراسیۆنا مووسلێ دهست پێكهت، لێ كهنگى هێزێن ئیراقێ ل جهێن خوه جێگربوون، دێ ژڤانهك بۆ دهستپێكرنا ئۆپهراسیۆنا مووسلێ هێته دانان.
عهمید ههلگورد دا زانین، گهلهك جاران ب ئاوایهكێ نه بهرپرسانه زانیاریێن سهربازى بهلاڤ دبن، زیانێ ب پێشمهرگهى دگههینن، گۆت ژى لیژنهیهكا سهربازى ب ههڤپشكى دگهل هێزێن ههڤپهیمان و سوپایێ ئیراقێ ل دۆر ئۆپهراسیۆنا مووسلێ هاتییه دانان، ل ههرێمێ ئهو سهرۆكێ وێ یه، رۆژانه دێ داخۆیانییا سهربازى ههبیت، ئهگهر پێدڤى ژى بوو دێ پڕێس كۆنفرانس هێنه سازكرن.
تُتاح هذه الصورة أيضا في: کوردی