سۆپایێ پاسدارێن ئیرانێ یێ ل سلێمانیێ هاتیه كۆمكرن
ئهڤرۆ نیوز:
ب مهرهما پشتهڤانیكرنا هێزێن حهشهد شهعبی د ئۆپهراسیۆنا چاڤهرێكری یا ئازادكرنا مووسل دا ئیرانێ هێز دانایه سنورێ سلێمانیێ.
ب گۆرهی راپۆرتهكا رۆژناما “الشرق الاوسگ” كو ئهڤرۆ رۆژا ئێكشهمبی 16ی چریا ئێكێ 2016 هاتیه بهلاڤكرن ئاشكهرا كریه كو كۆمارا ئیسلامی یا ئیرانێ ب مهرهما پشتهڤانیكرنا میلیشیاتێن شیعان د ئۆپهراسیۆنا ئازادكرنا مووسل دا، هێزێن سۆپایێ پاسكداران ل سنورێ سلێمانیێ بنهجهكریه.
ههمان رۆژنامێ ئهو چهنده ژی روونكریه كو ئیران گرنگیهكا زۆر ب وی بابهتی ددهت ب مهرهما وێ چهندێ كو رێیهكا هشكاتی یا ب لهز ل سنورێ ئیرانێ بۆ سنورێ سلێمانیێ و پاشان كهركووك و ل وێرێ ژی بۆ مووسل بۆ سنورێن سوریا مسوگهر بكهت.
پێشتر ژی بهحس ل وێ چهندێ هاتیه كرن كو ئیرانێ دڤێت ل سنورێن خوه هێلهكێ بۆ سوریا دروست بكهت كو دبێژنێ “هێلا شیعی” ئهو هێل ل دهڤهرا سلێمانیێ دهست پێ دكهت و د ناڤ پارێزگهها كهركووك دا دهرباز دبیت و ل وێرێ ژی بۆ سنورێ پارێزگهها مووسل و د ناڤ وان دهڤهران دا دچیت كو “پهكهكێ” دهست یێن ب سهر دا گرتین و ههتا دگههیته سنورێ رۆژئاڤایێ كوردستانێ كو سنورێ دهولهتا سوریایه.
تُتاح هذه الصورة أيضا في: کوردی