مهدیایێن جیهانی رۆلێ پێشمهرگهی د ئۆپهراسیۆنا مووسلێ دا ب گرنگ ناڤكرییه
waar – دهوك :
پترییا مهدیایێن جیهانی فۆكسا خوه خستییه سهر ئۆپهراسیۆنا ئهڤرۆیا رزگاركرنا مووسلێ و رۆلێ پێشمهرگهی ژی د ئۆپهراسیۆنێ دا ب گرنگ ناڤكرییه.
كهنالێ بی بی سی د راپۆرتهكا خوهدا ئاماژهكرییه كو ئهڤرۆ سپێدێ، هێزێن پێشمهرگهی داوی ب وێ چاڤهرێبوونا درێژ ئینا و تۆپخانهیێن وان ئێكهم ئاگرێ شهڕی بهردا تیرۆرستێن داعشێ ل مووسلێ و پێشمهرگه تا نها ب سهركهڤتیانه ل سهر ئۆپهراسیۆنا خوه بهردهوامه.
ژ ئالیێ خوهڤه ئاژانسا رۆیتهرز بهلاڤكرییه كو هێزێن پێشمهرگهی ژ ئۆپهراسیۆن دهستپێكر و پێشمهرگهی ب رهنگهكی بهرههڤیێن خوه كرینه كو تا باژارێ رهققه ژی، داعشێ پاشڤهببهن.
دیسان مهدیایێن توركیا و ئهمریكا و ئاژانسێن تهلهگراف و گاردیان و میدیایێن دهڤهرێ و ناڤخوه ژی، رۆلێ پێشمهرگهی د ئۆپهراسیۆنێ دا بهرچاڤكرینه و ب باشترین شهڕكهر د ئۆپهراسیۆنا رزگاركرنا مووسلێ دا ناڤكرینه.
ئهڤه د دهمهكی دایه كو هنارتیێ وار ل بهرهیێ خازری راگههاند كو پتری 50 كهنال و ئاژانسێن ناڤخوه و بیانی، ل وی بهرهیی رۆمالا شهڕێ مووسلێ دكهن.
تُتاح هذه الصورة أيضا في: کوردی