فەرماندەیا گشتی یا ھێزێن چەکدار یێن ھەرێما کوردستانێ راگەھاندنەک بەلاڤ کر
waar – دهوك :
فەرماندەییا گشتی یا ھێزێن چەکدار یێن ھەرێما کوردستانێ راگەھاندنەک بەلاڤکر و دیارکر، د کێمتر ژ بیست و چار دەمژمێران دا نەھـ گوند ھاتنە رزگارکرن.
د وێ راگەھاھندنێ دا ھاتیە باس ل ھوورکاریێن ئۆپەراسیۆنا ئەڤرۆ یا رزگارکرنا مووسلێ کریە و گۆتیە: ھێزێن پێشمەرگەی د ئۆپەرسیۆنا ئەڤرۆ دا ل دەڤەرا خازری گوندێن باسەخرە، تەرجەلە، خرابە سولتان، کەبەرلی، بازگردان، شاقۆلی، بەدەنەیا بچووک، بەدەنەیا مەزن و شێخ ئەمیر، ھەروەسا کارگەھا کاشی ل رۆژئاڤایێ حەسەن شام ھاتنە رزگارکرن، کو رووبەرێ وان دگەھیتە دوسەد کیلۆمەترێن چوار گوشە.
سەبارەت رۆژھەلات و باشۆرێ مووسلێ ژی گۆتیە؛ ب ھەڤکاری دگەل ھێزێن سوپایێ ئیراقێ، ئۆپەراسیۆن ل وی بەرەیی ژی دەستپێکرن و فرۆکەیێن ھەڤپەیمانان ھەڤدە بنگەھێن تیرۆرستان ژ ناڤبرن.
ھەروەسا دیارکریە چوار ترۆمبێلێن مینرێژکری یێن داعشێ ھاتنە ژناڤبرن و تیمێن ئەندازەیێ ژی بۆ پاقژکرنا وان دەڤەرێن ھاتینە رزگارکرن ژ مینان بەردەوامن.
تُتاح هذه الصورة أيضا في: کوردی