سەرۆك بارزانی سەرهدانا سهنگەرێن هێزێن پێشمەرگەی ل میحوەرێ باشیكێ كر
ZNA-ههلێر
ڕۆژی چوارشەممە 9ـی 11ـی 2016 بەڕێز مەسعود بارزانی سەرۆكی هەرێمی كوردستان سەردانی سەنگەرەكانی هێزی پێشمەرگەی لە میحوەری باشیك كرد.
لەو سەردانەدا كە بەمەبەستی ئاگاداربوون لە ڕەوشی بەرەكانی شەڕ و ناوچە ئازادكراوەكان و بارودۆخی پێشمەرگە ئەنجام درا، سەرۆك بارزانی پیرۆزبایی ئازادكردنی شارۆچكەی باشیكی لە گەلی كوردستان و پێشمەرگە قارەمانەكان كرد و سوپاس و دەستخۆشیشی لە فەرماندە و پێشمەرگەكانی ئەو هێزانە كرد كە بەشداری ئۆپەراسیۆنی ئازادكردنی شارۆچكەی باشیك بوونە و سەركەوتنێكی مەزنیان لەبەرانبەر تیرۆریستانی داعش تۆمار كردووە.
لەو بەسەركردنەوەیەدا سەرۆك بارزانی سەرەخۆشیی خۆی ئاراستەی خانەوادە و كەسوكاری شەهیدەكان كرد و هیوای چاكبوونەوەیشی بۆ برینداران خواست.
لەبارەی ڕەوشی شارۆچكەی باشیك و پاراستنی ئاساییشی ناو شارۆچكەكە سەرۆك بارزانی ئامۆژگاریی پێویستی بۆ فەرماندەكانی پێشمەرگە خستەڕوو و داوای كرد كە شارۆچكەی باشیك بە زووترین كات لە مین و تەقەمەنی و پاشماوەی تیرۆریستان پاك بكرێتەوە بۆ ئەوەی دانیشتوانی شارۆچكەكە بتوانن بە دڵنیایی بۆ سەر ماڵ و حاڵی خۆیان بگەڕێنەوە.
تُتاح هذه الصورة أيضا في: کوردی