مهسروور بارزانی: نابیت گرۆپێن چهكدار ژ دهرڤهی سازیێن فهرمی رۆل د ئۆپهراسیۆنا مووسلێ دا ههبیت
waar – دهوك :
شیرهتكارێ جڤاتا ئاساییشا ههرێمێ د ههڤدیتنا لگهل فهرماندهیێ هێزێن ههڤپشك یێن شهرێ دژی داعشێ دا راگههاند: نابیت گرۆپێن چهكدار ژ دهرڤهی سازیێن فهرمی رۆل د ئۆپهراسیۆنا مووسلێ دا ههبیت.
مهسروور بارزانی، شیرهكارێ جڤاتا ئاساییشا ههرێمێ پێشوازی ل ژهنهرال ستیڤن تاونسێند، فهرماندهیێ هێزێن ههڤپشك یێن شهرێ دژی داعشێ دا كر و د ههڤدیتنێ دا شهرێ دژی داعشێ و و پێشڤهچوونێن شهری و كارتێكرنا ههماههنگیا پێشمهرگهی و سوپایێ ئیراقێ د ئۆپهراسیۆنا رزگاركرنا مووسلێ دا گۆتووبێژ كرن.
ههر د دیدارێ دا مهسروور بارزانی راگههاند: نابیت گرۆپێن چهكدار ژ دهرڤهی سازیێن فهرمی یێن سهربازی ل ئیراقێ، رۆل د ئۆپهراسیۆنا مووسلێ دا بكهن و ههر دیسان نابیت ئهوان گرۆپان؛ د قوناغێن دی ژی دا؛ رۆل ههبیت.
بارزانی د داویا ههڤدیتنێ ؛ جهخت ل دابینكرنا زێدهتر؛ یا پێدڤییێن سهربازی بۆ هێزێن پێشمهرگهی كر.
تُتاح هذه الصورة أيضا في: کوردی