UN: بۆ چارەسەرکرنا کێشەیێن د ناڤبەرا ھەولێر و بەغدایێ دا بەرھەڤین ھاریکاریێ بکەین
waar – دهوك :
ھاریکارێ سکرتێرێ گشتیێ نەتەوەیێن ئێکگرتی راگەھاند؛ نەتەوەیێن ئێکگرتی بەرھەڤە بۆ چارەسەرکرنا کێشەیێن د ناڤبەرا ھەولێر و بەغدایێ دا ھاریکاریێ بکەت.
نێچیرڤان بارزانی سەرۆکوەزێن ھەرێما کوردستانێ پێشوازی ل میرۆسلاڤ جینکا هاریکارێ سکرتێرێ گشتیێ نەتەوەیێن ئێکگرتی بۆ کاروەبارێن سیاسی و شاندەکا دگەل کر.
د ھەڤدیتنەکێ دا جینکا دەستخوەشی ل حکومەت و خەلکێ ھەرێمێ و ھێزێن پێشمەرگەی بۆ پاراستنا پێکھاتەیێن ئاینی و نەتەوەیی ژ ھەرەشەیێن تیرۆرستان کر، دوپات ژ ی کر کو د گەل جڤاکێ نێڤدەولەتی دا دێ بزاڤێن بەردەوام کەن بۆ وێ یەکێ زێدەتر ھاریکارییا ھەرێما کوردستانێ بھێت کرن و بەرھەڤییا نەتەوەیێن ئێکگرتی نیشاندا بۆ وێ یەکێ ھاریکاریێ د چارەسەرکرنا کێشەیێن د ناڤبەرا ھەولێر و بەغدایێ دا بکەت.
ژ ئالیێ خوەڤە نێچیرڤان بارزانی دوپاتکر ژبەر قەیرانا ئابۆری شیانێن ھەرێمێ سنورداربووینە و پێدڤییە جڤاکێ نێڤدەولتی زێدەتر ھاریکارییا ھەرێما کوردستانێ بکەت.
سەبارەت پەیوەندیێن ھەولێر و بەغدایێ ژی گۆت: ھەرێم یا بەرھەڤە ب دانوستاندنان کێشەیان د گەل بەغدایێ چارەسەر بکەت.
تُتاح هذه الصورة أيضا في: کوردی