مهترسییا كارهساتهكا مهزن ل مووسلێ ههیه
waar – دهۆك:
پهڕلهمانتارهكێ ئیراقێ هۆشداری ژ كارهساتهكا مهزن دگهل دهستپێكرنا ئۆپهراسیۆنا رزگاركرنا رۆژئاڤایێ مووسلێ دان و خواست ئامادهكاریێن بلهز بهێنه كرن.
ئهحمهد مهدلوول جهربا، پهرلهمانتارێ مووسلێ، ئهڤرۆ د بهیانهكێ دا دیاركرییه، ئهگهر ئامادهكاری بۆ پێشوازییا خهلكێ ئالێ راستێ یێ باژاڕێ مووسلێ نههێته كرن، كارهساتهكا مهزن دگهل دهستپێكرنا ئۆپهراسیۆنا رزگاركرنا وی ئالێ باژاڕی دێ روودهت.
ههروهسا گۆت: ههژمارهكا ئێكجار زۆرا خهلكێ وی ئالێ مووسلێ دێ دگهل دهستپێكرنا شهڕ و پهڤچوونان ئاواره بن، لهو فهره حكومهتا ئیراقێ و جڤاكا ناڤدهولهتی ئامادهكاریێن بلهز بكهن.
وی پهڕلهمانتاری پێشبینی كر، ل چهند رۆژهكێن بهێت پێلا ئاوارهبوونێ دهست پێ بكهت.
ئۆپهراسیۆنا مووسلێ ل 17 چریا ئێكێ یا سالا بۆری دهستپێكرییه، نها شهڕ بۆ رزگاركرنا رۆژههلاتا باژاڕی دهێته كرن كو نێزیكه ئهو ئارمانجه بجهـ بهێت.
تُتاح هذه الصورة أيضا في: کوردی