بارزانی بۆ شهرقولئهوسهت: ههردهما مالكی ڤهگهڕیا دهستههلاتێ دێ سهرخوهبوونێ راگههینم
waar – دهۆک:
سهرۆكێ ههرێما كوردستانێ رادگههینیت؛ وی ب ئاشكرایی گۆتییه حهیدهر عهبادی باشتره ههرێم و ئیراق ببنه دو جیرانێن باش، ژبهركو ئیراقێ شكهستن د دروستكرنا ههڤپشكیێ دا ئینایه.
مهسعوود بارزانی د ههڤدیتنهكا شهڕقولئهوسهت دا كو ئهڤرۆ رۆژا دوشهمبێ یهلاڤبوویه، بهحس ل هندهك نهێنیێن گرێدای شهڕێ داعشێ، رزگاركرنا مووسلێ و و مووسلا پشتی داعشێ، ههروهسا ڤهگهڕیانا مالكی بۆ دهستههلاتێ، دیسان، لادانا هوشیار زێباری و رهوشا سوننهیێن ئیراقێ كرییه.
بارزانی دوپاتكرییه، وان ب ئاشكراییه گۆتییه حهیدهر عهبادی، باشتره ههرێما كوردستانێ و ئیراق ببنه دو جیرانێن باش، ژبهركو ئیراقێ شكهستن د دورستكرنا ههڤپشكیێ دا ئینایه.
گۆت ژی: ههردهما نووری مالكی جارهكا دی ڤهگهریته دهستههلاتێ و سهرۆكاتییا حكومهتێ وهرگریت، ئهو دێ سهربهخۆیێ راگههینیت و بێی ڤهگهڕیان بۆ چو ئالییهكی، بارزانی دوپاتكر، ئهو دێ ڤێ گاڤێ هاڤێت و رازی نابیت د ئیراقهكێ دا بمینیت، نووری مالكی حوكمی لێ بكهت.
ههر د پرسا سهرخوهبوونێ و رهوشا ئیراقێ دا، بارزانی دوپاتكرییه، گهلهك زهحمهته ئیراق ڤهگهڕیته رهوشا بهرێ، ههروهك چاوا سووریێ ژی زهحمهته ڤهگهڕیته رهوشا بهری شهڕی و گۆت: وان ب ئاشكرایی گۆتییه: حهیدهر عهبادی و سهركردهیێن ههڤپهیمانییا نیشتیمانی كو ئێدی باشتر ههرێم و ئیراق ببنه جیران و دوپاتكر، ئهو ژی د ڤێ یهكێ گههشتینه.
دهبارهی شهڕێ مووسلێ، سهرۆكێ ههرێما كوردستانێ رزگاركرنا ئالیێ چهپێ یێ باژاڕێ ب سهركهفتنا مهزن ناڤكرییه و گۆتییه: بۆ قۆناغا پشتی داعشێ دڤێت خهلكێ وێ بڕیارێ ل سهر چارهنڤیسێ خوه بدهت.
بارزانی ئاماژهكرییه، ئهو قهبوول ناكهن سنۆرێن مووسلێ بۆ بهری داعشێ ڤهگهڕن.
لدۆر سوننهیێن ئیراقێ ژی بارزانی گۆتییه: رهوشا سوننه مهزههبێن ئیراقێ ل ڤێ قۆناغێ گهلهك یا زهحمهت، دهڤهرێن وان وێرانكری نه و ههژمارهكا ئێكجار زوورا ئاوارهیان ژی سوننه نه.
بارزانی گۆت: نهبوونا كهسێ رێبهر و مهرجهع ب یهك ژ گرفتێن ههره سهرهكی یێن سوونهیێن ئیراقێ دهێته ههژمارتن.
دهربارهی دروستبوونا ههرێمهكا سونه ژی، سهرۆكێ ههرێما كوردستانێ گۆت: ل دهستپێكێ شیعه درازی بوون، لێ نها زهحمهته ئهو یهك دروست ببیت.
بارزانی بهحس ل ژكارلادانا هۆشیار زێباری وهزیرێ داراییا ئیراقێ ژی كرییه و ئهو یهك ب بزاڤهك بۆ ژناڤبرنا حكومهتا عهبادی وهسفكر.
سهرۆكێ ههرێما كوردستانێ د ههڤدیتنا شهرقو ئهلوسهت دا كو بوویه نووچهیێ سهرهكیێ بهرپرێ ئێكێ وێ رۆژنامهیێ، بهحس ل ئیدارهیا نوو یا ئهمریكا كرییه و گۆتییه: ئهو پێشبینی دكهن ئیدارهیا نوو یا ئهمریكا زێدهتر پشتهڤانییا ههرێما كوردستانێ بكهن.
بارزانی بهحس ل رۆلێ ئیرانێ ل ئیراقێ و دهڤهرێ ژی كر و گۆت: ئیرانێ دهستههلاتهكا مهزن ل بهغدا ههیه، ئهمریكا ژی ل بهره ل قۆناغا بهێت سیاستهكا توند ل بهرانبهری وێ بگریته بهر.
تُتاح هذه الصورة أيضا في: کوردی