ههرێما كوردستانێ سالڤهگهرا 13ێ یا كارهساتا ئێكی شواتێ ساخ دكهت
waar – دهۆک:
ههرێما كوردستانێ ئهڤرۆ سالیادا سێزدێ یا كارهساتا ئێكی شواتێ ساخ دكهت و رێورهسمهك بۆ بیرئانینا وێ یادا دلتهزین ل ههولێرێ هاتییه رێكئێخستن.
وهزارهتا كاروبارێن شههید و ئهنفالكرییان ب ههڤكاری دگهل ههر یهك ژ لقا دو یا پارتی دیمۆكراتی كوردستان و مهلبهندا سێ یا ئێكهتییا نیشیتمانی، ئهڤرۆ رێورهسمهك بۆ بیرئانینا سالیادا سێزدێ یا كارهساتا ئێكی شواتێ ل ههولێرێ سازكر.
ئهرشهد شوانی پهیامنێرێ وار ل ههولێرێ راگههاند؛ مالباتێن شههیدێن وێ كارهساتێ ژی پشكداری وێ رێورهسمێ نه كو ل مینۆمێنتا شههید سامی دهێنه برێڤهبرن.
ل ئێكی شواتا سالا 2004ێ و د ئێكهم رۆژا جهژنا قوربانی دا د كریارهكا تیرۆرستی دا ل ل بارهگههێن لقێ دوو یێ پارتی و مهلبهندێ سێ یێ ئێكهتیێ، پتری سهد كهسان ژ وان سهركردهیێن حزبی، ئیداری و وهلاتییان شههید بوون و نێزیكی سهدوپێنجی كهسێن دی ژی برینداربوون.
تُتاح هذه الصورة أيضا في: کوردی