کۆمیسیۆن ژمارا دەنگدەرێن عێراقێ به‌لاڤ دكت

کۆمیسیۆنی سەربەخۆی هەڵبژاردنەکانی عێراق  لیستی یەکەمی دەنگدەرانی عێراق ئامادە دەکات.

رۆژی دووشەممە 6.2.2017، وائیل وائیلی، سەرۆکی بەڕێوەبەرایەتیی هەڵبژاردن لە کۆمیسیۆنی بالای سەربەخۆی هەڵبژاردنەکانی عێراق رایگەیاندووە، کە هەردوو پارێزگای کەرکووک و نەینەوا هەڵبژاردنی داهاتوویان تێدا ئەنجام نادرێت.

وائیل وائیلی هەروەها رایگەیاندووە، کە بە دەر لە دەنگدەرانی هەردوو پارێزگای کەرکووک و نەینەوا، ژمارەی دەنگدەرانی عێراق گەیشتووەتە 17 ملیۆن و 207 هەزار و 617 کەس.

ئەو بەرپرسە ئاماژەی بەوەش کردووە، کە حەوت ملیۆن و 740 هەزار 280 کەس لە عێراق (جگە لە هەرێمی کوردستان، کەرکووک و نەینەوا) ناوی خۆیان لە سیستەمی بایۆمەتری تۆمار کردووە.

وائیل وائیلی هەروەها رایگەیاند، کە رۆژی 20.2.2017 دەرگای بنکەکانی تۆمارکردنی بایۆمەتری دادەخرێن و لە ماوەی حەوت رۆژیشدا هاووڵاتییان دەتوانن تانە لە زانیارییە هەڵەکان بدەن.