لاڤرۆڤ: جنێڤ بێی پشکداربوونا کوردان سەرناکەڤیت
WAAR-دهۆك:
وەزیرێ دەرڤە یێ رۆسیایێ دیار کر کو دانوستانێن جنێڤ چوارێ بێی پشکدارییا کوردان و ھەموو ئالییێن سوورییێ سەرناکەڤن.
وەزارەتا دەرڤە یا رۆسیایێ راگەھاند: سێرگی لاڤرۆڤ، وەزیرێ دەرڤە یێ رۆسیایێ و ستافان دی مستۆرا، نوونەرێ تایبەت یێ نەتەوەیێن ئێکگرتی ل رۆسیایێ ل دۆر کۆمبوونا ئەستانایێ و دانوستانێن جنێڤ چوارێ کۆم بوون و تەئکید ل پشکداریکرنا ھەموو ئالییان کر.
وەزارەتا دەرڤە یا رۆسیایێ ئاشکەرا ژی کر: د کۆمبوونێ دا لاڤرۆڤی ب دی مستۆرای راگەھاندییە: ھەتا نوونەرێن گرۆپێن مۆسکۆ، قاھیرە، ئەستانا، حمەیمیم و کوردان ب ئاوایەکێ گونجای و ئەکتیڤ پشکداری دانوستانێن جنێڤێ یێن ل دۆر قەیرانا سووریێ نەبن، نەمومکنە ئەو دانوستانە سەربکەڤن و دێ شکەستنێ بینن.
تُتاح هذه الصورة أيضا في: کوردی