شاندەکا باکۆرێ کوردستانێ ژ بارزانی خواست پشتهڤانییا یەکخستنا ناڤمالا کوردی بکهت
WAAR-دهۆك:
شاندەکا پارتییا سوسیالیستا کوردستان یا باکۆرێ کوردستانێ ژ بارزانی خواست، بۆ یەکخستنا ناڤ مالا کوردی ل تورکیا پشتەڤان بیت.
مەسعوود بارزانی سەرۆکێ ھەرێما کوردستانێ ئەڤرۆ پێشوازی ل مەسعوود تەک سکرتێرێ گشتیێ پارتییا سوسیالیستا کوردستان یا باکۆرێ کوردستانێ کر و د کۆمبوونەکێ دا ، رەوشا سیاسی و ئابۆری یا باکۆرێ کوردستانێ گۆتووبێژ ل سەرکرن.
د وێ کۆمبوونێ دا دوپاتی ل ئێک گوتاریێ ئالیێن نیشتیمانپەروەرێن کورد ل تورکیا ل ھەمبەر پێشھاتێن سیاسی ھات کرن، تەئکید ژی ل خەباتا ئاشتییانە ل باکۆرێ کوردستانێ ھات کرن، شاندا ناڤھاتی ھەلوەستێ خوە ل سەر راپرسییا دەستوورێ تورکیا دیارکر و ژ بارزانی خواست بۆ یەکخستنا ناڤ مالا کوردی ل تورکیا پشتەڤان بیت.
ژ ئالیێ خوەڤە بارزانی رەوشا سیاسی یا دەڤەرەێ و ئیراقێ و پاشەرۆژا کوردان ل سووریێ و ھەڤکێشەیا نێڤدەولەتی و ھەرێمێ شرۆڤەکر و ئامۆژگاریێن پێدڤی ل سەر دۆزا کوردی ل تورکیا بۆ شاندا باکۆر خستنە بەرچاڤ.
تُتاح هذه الصورة أيضا في: کوردی