سه‌رۆكێ هه‌رێما كوردستانێ و سه‌رۆكوه‌زیرێن هه‌رێمێ و شیره‌تكارێ جڤاتا ئاساییشێ نه‌ورۆز ل گه‌لێ كورد پیرۆز كر
WAAR – دهۆک:
سه‌رۆكێ هه‌رێما كوردستانێ و سه‌رۆكێ حكومه‌تا هه‌رێمێ و شیره‌تكارێ جڤاتا ئاساییشا هه‌رێمێ د سێ په‌یامێن جودا دا، جه‌ژنا نه‌ورۆزێ و سه‌ر سالا كوردی، ل ته‌ڤ كوردان پیرۆز كر.
مه‌سعوود بارزانی سه‌رۆكێ هه‌رێما كوردستانێ و نێچیرڤان بارزانی سه‌رۆكوه‌زیرێن هه‌رێمێ و مه‌سروور بارزانی شیره‌تكارێ جڤاتا ئاساییشا هه‌رێمێ، ب هه‌لكه‌فتا جه‌ژنا نه‌ورۆزێ و سه‌رسالا كوردی په‌یامێن پیرۆزباهییان ئاراسته‌ی مالباتێن شه‌هیدان و هه‌موو گه‌لێ كورد و پێكهاته‌یێن ئۆلی و نه‌ته‌وه‌یی كرییه و دیاركرییه كو ئادار و نه‌ورۆز، هێمایێ شكاندنا زولمێ و ده‌ركه‌فتنا رۆناهی و ژیانێ نه بۆ گه‌لێ كورد و ب وێ رامانێ دهێن كو خه‌بات و قوربانیدانێ، دێ به‌رهه‌م هه‌بیت.
سه‌رۆكێ هه‌رێمێ ئاماژه‌كرییه ژی، قۆربانیدانا گه‌لێ كورد و قاره‌مانییا پێشمه‌رگه‌ی و ئه‌و فه‌رهه‌نگا زه‌نگینا پێكڤه‌ژیانێ، د چاڤێن جیهانێ دا نه‌دڤه‌شارتینه، به‌لكو نها هه‌موو جیهان شانازیێ ب پێشمه‌رگه‌ی و گه‌لێ كوردستانێ دبه‌ت، هیڤی خواستییه ژی كو خه‌لكێ سه‌ربلندێ كوردستانێ، ل سه‌ر خوراگرییا خوه‌به‌رده‌وامبن و گوهدارییا چو ده‌نگێن نەساز نه‌كه‌ن كو بخوازن، باوه‌ریبخوه‌هاتن و خوراگرییێ ژ هه‌وه بستینن.
تُتاح هذه الصورة أيضا في: کوردی